Абай облысында мүмкіндігі шектеулі тұлғалардың дауыс беруін қалай қамтамасыз етіледі

Абай облысы бойынша барлығы 478 сайлау учаскесі бар, сайлаушылардың жалпы саны 416 030 адамды құрайды. Облыс бойынша мүгедектігі бар адамдардың жалпы саны 22,3 мың адамды құраса, сайлаушылар саны 2 684. Оның ішінде мүгедектер арбасын пайдаланатындар – 914, нашар көретіндер – 1 181, саңырау және мылқау адамдар саны – 589.

Барлық сайлау учаскелері ерекше қажеттіліктері бар адамдар үшін барлық қажеттіліктермен жабдықталған – учаскеге кіру кезінде пандустар, тактильді көрсеткіштер бар. Мүгедектерге арналған шақыру түймелері, Брайль түріндегі тактильді тақтайшалар, шағылыстыратын сары жолақтар орнатылған. Сондай-ақ, жоғары табалдырықтары бар сайлау учаскелерінде дауыс беру уақытына портативті пандустармен қамтамасыз етілген.

Дауыс беру күні 16 машина 3 елді мекенде инватакси қызметін көрсетеді (Семей қаласы бойынша - 12, Аягөз ауданында - 3, Жарма ауданында - 1). Қалған өңірлерде қажет болған жағдайда дауыс беру кезінде мүгедектігі бар адамдар тасымалдаумен қамтамасыз етілетін болады.

Бүгінгі таңда инватакси қызметіне көру қабілетінен толық айырылған 47 адамнан, кресло-арбаларды пайдаланатын 56 адамнан өтініш келіп түсті.