Құтқарушы – құрметті қызмет

ҚР ТЖМ Абай облысы бойынша ТЖД «Өрт сөндіру және авариялық құтқару қызметі» РММ-нің жедел құтқару отрядының психологі Ұлжан Мырзасадықова бұл мамандыққа адамдарға көмектесу ниетімен келгенін айтады.

- Балалар қиын жағдайға ұшырағанда ата-аналарымен және олардың өздерімен жұмыс істеу оңай емес. Психолог болу оңай десем, өтірік айтқаным болар. Себебі кез келген мамандықтың өз қиындығы бар. Психологияда да солай. Әйелдерге барлық эмоцияны өшіріп, мұқтаж адамдарға психологиялық көмек көрсету сәл қиынырақ, - деп түйіндеді сөзін Ұлжан Мырзасадықова.