Уйлестірілген өзара іс-қимыл мен ынтымақтастық сыбайлас жемқорлық тәуекелдерін тиімді анықтауға қажетті шаралар кешенін қабылдауға мүмкіндік береді
Бұл туралы бүгін өңірдегі жер қатынастары мен қоғамдық көліктің түйткілді мәселелеріне арналған жиын барысында Абай облысының әкімі Нұрлан Ұранхаев мәлім етті.
Қоғамдық кеңес мүшелерінің қатысуымен өткен жиында өңірдің сыбайлас жемқорлыққа қарсы күрес қызметінің басшысы жер қатынастары саласындағы мониторинг нәтижелерімен бөлісті.
Кейбір шаруа қожалықтарының жайылымдық жерлерді мақсатына сай пайдаланбайтыны айтылды. Бұл ретте 2017 жылы жер телімдерін ғимаратпен бірге меншікке беру дерегі орын алған.
Жаңа облысты қалыптастыру мен дамыту барысында мұндай жағдайларды болдырмай, бұл тәжірибені толығымен жоюымыз керек. Тиісті министрлікпен жұмыс жүргізілуде. Ауыл шаруашылығы және жер қатынастары басқармасына осы мәселелерді пысықтауды тапсырамын, деді өңір басшысы Нұрлан Ұранхаев.
Абай облысы бойынша сыбайлас жемқорлыққа қарсы күрес қызметіне айтылған ұсыныстардың қатарында:
Мақсаты бойынша пайдаланылмай жатқан жер учаскелерін қайтару және жер пайдаланушыларға ұйғарымдарды беру шараларын қабылдау. Ауыл шаруашылығы жануарларын бірдейлендіру жөніндегі деректер базасымен салыстыра отырып жер пайдаланушыдағы мал басының тиісті санының бар-жоғын тексеру арқылы мақсаты бойынша пайдаланылмайтын жайылымдарды анықтау.
Малы жоқ жер пайдаланушылардың жайылымдарды қолдануын болдырмау мақсатында жер қатынастары және ветеринария бөлімдерінің өзара іс-қимыл тетігін (механизмін) әзірлеу
«Азаматтарға арналған үкімет» Мемлекеттік корпорациясы» КЕ АҚ мен Көші-қон қызметінің ақпараттық жүйелерін интеграциялау мәселесін пысықтау
Жылжымайтын мүлікті жекешелендіру аукционын тіркеуші органды (ҰАО) хабардар ету тәртібін реттеу
Абай облысының Ауыл шаруашылығы және жер қатынастары басқармасында пайдаланылмайтын ауыл шаруашылығы мақсатындағы жерлерді қайтару жөніндегі жұмысты жандандыру үшін ведомствоаралық комиссия құрылды. 2022 жылдың қорытындысы бойынша мемлекеттік меншікке 135 жер учаскесі қайтарылды. 2023 жылдың басынан бері жалпы ауданы 59,3 мың га болатын 4 жер учаскесі қайтарылды.