Абай облысының Бородулиха ауданы Уба-Форпост ауылында жаңа медициналық пункт ашылды

Абай облысының Бородулиха ауданы Уба-Форпост ауылында жаңа медициналық пункт ашылды. Ашылу салтанатына аудан әкімі арнайы барып, жерлестерді құттықтады. Жергілікті меценат Николай Ровчак өз қаражатына ғимаратты жөндеп, қажетті жиһаз сатып алып, су құбыры мен кәріз жүйесін жүргізіп, медициналық пунктті пайдалануға берді.

130-дан астам тұрғыны бар көрікті Уба-Форпост ауылы шалғай орналасқан ауылдардың бірі. Ауыл тұрғындарының қолайлылығы мен сапалы медициналық көмек алуы үшін медпункт арнайы ашылып отыр.

Процедура кабинеті, егу бөлмесі және басқа кабинеттер қажетті жабдықтармен жасақталған. Аудан әкімі меценатқа алғысын білдірді.