АБАЙ ОБЛЫСЫНДА ФУТЗАЛДАН І КҮЗГІ КУБОГІ ӨТУДЕ

Жаңадан құрылған Абай облысындағы ең ауқымды шара – Футзалдан І күзгі кубогі. Аталмыш шараны «Елімай» футбол клубы ұйымдастырып отыр. Футзалдан өтіп жатқан күзгі алғашқы турнирге өңірдің жоғары және орта арнаулы оқу орындарының студенттерінен құралған жиыны 4 футбол құрамасы қатысуда.

Олардың қатарында Әлихан Бөкейхан университетінің атынан өнер көрсететін ABU футбол құрамасы, Семей медицина университетінен SMU футбол құрамасы, Шәкәрім университетінен Shakarim футбол құрамасы, орта арнаулы оқу орындарынан құралған Kolledjder футбол құрамасы. Жас спортшыларға жанкүйер болуға облыс әкімі Нұрлан Ұранхаев келді.