Ақсуат ауданында көше жарықтандыру жұмыстары жүргізілуде

Ақсуат ауданында инфрақұрылымды дамыту, тұрғындардың қауіпсіздігін қамтамасыз ету және өмір сүру сапасын арттыру мақсатында көше жарықтандыру жұмыстары жоспарлы түрде жүзеге асырылуда. Аталған шаралар аудандық бюджет есебінен кезең-кезеңімен атқарылып келеді.

Былтыр Ақсуат, Құмкөл, Жәнтікей, Қызылкесік, Үштөбе, Көкжыра ауылдарына 508 жарық бағанасы мен 566 көше жарықшамы орнатылып, елді мекендердегі түнгі жарықтандыру деңгейі едәуір жақсарды. Бұл тұрғындардың қауіпсіз жүріп-тұруына қолайлы жағдай жасап, ауданның көріктенуіне оң әсерін тигізуде.

Алдағы уақытта көше жарықтандыру және абаттандыру жұмыстары жалғасып, аудан инфрақұрылымын дамытуға бағытталған шаралар жүйелі түрде іске асырылатын болады.