АБАЙ ОБЛЫСЫНЫҢ КОЛЛЕДЖІ ХАЛЫҚАРАЛЫҚ МАРАПАТҚА ИЕ БОЛДЫ

Ақтау қаласында TurkihSkills халықаралық чемпионаты өтті. Шара аясында техникалық және кәсіптік білім беру ұйымдарының үздіктері марапатталды.

2025 жыл – Жұмысшы мамандықтар жылы аясында «Стартаптар мен инновациялық жобалардың орталығы» номинациясы бойынша жоғары марапатқа Абай облысы білім басқармасының IT және жаңа технологиялар жоғары колледжі ие болды.

Марапатты Қазақстан Республикасының Оқу-ағарту бірінші вице-министрі Майра Мелдебекова табыстады. Ол колледждің инновациялық инфрақұрылымды дамытуға, студенттік стартаптарды қолдауға және заманауи технологияларды білім беру процесіне енгізудегі еңбегін атап өтті.

Бұл жетістік – колледж ұжымының оқу процесіне жаңа тәсіл енгізудегі және студенттердің кәсіпкерлік пен инженерлік құзыреттерін дамытудағы жүйелі жұмысының нәтижесі.