Абай облысындағы сайлау учаскелерін мониторингтеу жөніндегі жұмыс тобының отырысы

Абай облысында Құрылтай депутаттарын сайлауға дайындық аясында мүгедектігі бар адамдардың сайлау құқықтарын қамтамасыз ету жөніндегі жұмыс тобының отырысы өтті.

Отырыс барысында сайлау учаскелерінің қолжетімділігіне жүргізілген мониторинг нәтижелері, оның ішінде кіреберіс жолдардың жағдайы, кедергісіз қозғалу мүмкіндігі, ақпараттық материалдардың қолжетімділігі және мүгедектігі бар азаматтардың өз бетінше дауыс беруіне қажетті жағдайлар қаралды.

Отырыс қорытындысы бойынша жұмыс тобы жүргізілген мониторингтің нәтижелерін қорытындылап, анықталған мәселелерді шешу бойынша негізгі бағыттар мен ұсынымдарды белгіледі.

Барлық азаматтардың сайлау процесіне тең және қолжетімді жағдайда қатысуын қамтамасыз ету мақсатында сайлау комиссияларымен және жауапты ұйымдармен одан әрі өзара іс-қимыл жасауға ерекше назар аударылды.

Абай облысының сайлау учаскелерінің қолжетімділігін қамтамасыз ету бойынша жұмыс алдағы сайлауға дайындық аясында жалғасатын болады.

Абай облысының аумақтық сайлау комиссиясы

[19 тамыз] | Абай облысы