2025 жылғы қаңтар-наурыз айларындағы Абай облысының әлеуметтік – экономикалық дамуы бойынша ақпарат

2025 жылдың 1 наурызына халық саны: 601,8 мың адам, оның ішінде қалалық – 374,5 мың адам (62,2%).

Облыстың әкімшілік бөлінісі: 2 облыстық маңызы бар қала, 2 аудандық маңызы бар қала, 10 аудан, 134 ауылдық округ, 2 кент, 320 ауылдық елді мекен.

1. Өнеркәсіп. Өнеркәсіп өнімінің көлемі 567,9 млрд. теңгені құрады. Нақты көлем индексі – 100,3%.
2. Ауыл шаруашылығы. Ауыл шаруашылығы жалпы өнімінің көлемі 37,2 млрд. теңгені құрады. Нақты көлем индексі – 102,4%.
3. Шағын және орта бизнес. Жұмыс істеп тұрған шағын және орта кәсіпкерлік субъектілерінің саны 54,9 мың бірлікті құрады. Өсу қарқыны - 103,0%.
4. Инвестиция. Негізгі капиталға салынған инвестициялар 65,2 млрд. теңгені құрады. Нақты көлем индексі – 116,4%.

Құрылыс жұмыстарының көлемі 20,0 млрд. теңгені құрады. Нақты көлем индексі – 91,9%.

40,8% өсу қарқынымен 24,5 мың шаршы метр тұрғын үй пайдалануға берілді.

5. Жұмыспен қамту. 2024 жылы жұмыссыздық деңгейі 4,8%. Өзін – өзі жұмыспен қамтығандар саны 112,9 мың адамға жетті немесе экономикалық белсенді халық санының 36,8% құрады.

2024 жылдың 4 тоқсанындағы орташа жалақы 363 624 теңгені құрады, бұл 2023 жылдың сәйкес кезеңінен 11,8% жоғары.

Инфляция 103,2% құрады, оның ішінде азық – түлік тауарларына – 104,6%.

6. Бюджет. Облыс бюджетіне түсімдер 459,2 млрд. теңгені құрайды (70,0% – трансферттер, субвенциялар және кредиттер).

2025 жылдың 1 сәуіріне мемлекеттік бюджетке 116,9 млрд. теңге салық және басқа да міндетті төлемдер түсті, оның ішінде республикалық бюджетке – 78,7 млрд. теңге, жергілікті бюджетке – 38,2 млрд. теңге.   

7. Әлеуметтік сала. Әлеуметтік салаға 254,2 млрд. теңге көзделген, оның ішінде білім беру – 176,8 млрд. теңге, денсаулық сақтау – 13,5 млрд. теңге, әлеуметтік қамсыздандыру – 39,2 млрд. теңге, мәдениет және спорт – 24,8 млрд. теңге.
8. Тұрғын үй – коммуналдық шаруашылық. Халықтың облыс бойынша сумен жабдықтау қызметтеріне қол жеткізуі ауылдық жерлерде 94,9 %, қалаларда 95,4% құрайды.

Халықтың ауылдық жерлерде орталықтандырылған су бұруға  қолжетімділігі - 22,8%, қалаларда – 39,8% құрайды.

2025 жылы сумен жабдықтау және су бұру жүйелерін дамытуға 11,8 млрд.теңге бөлінді, оның ішінде 18 жобаны салуға - (7,1 млрд. теңге) және 11 нысанды реконструкциялауға (4,7 млрд. теңге), 2 жобалық сметалық құжаттама әзірлеуге (34,1 млн. теңге).

9. Қоғамдық қауіпсіздік. 2025 жылдың 1 сәуіріне 1 024 қылмыс тіркелді, оның ішінде ұсақ – 181, орташа ауырлықтағы – 408, ауыр – 269, аса ауыр - 7.