Абай облысында Дүниежүзілік сайлау күніне орай өткізілген іс-шаралар

2024 жылғы 3 мен 6 ақпан аралығында жас сайлаушыларды электоралдық ағарту іс-шараларының жоспары аясында Абай облысында Дүниежүзілік сайлау күнін мерекелеуге арналған апталық өткізілуде, оны Еуропалық сайлау ұйымдастырушылар қауымдастығы құрды және жыл сайын ақпанның бірінші бейсенбісінде атап өтіледі.

Абай облысының қалалық және аудандық аумақтық сайлау комиссиялары әр түрлі  тақырыптарда болашақ сайлаушыларға, жастар мен студенттерге Қазақстан Республикасының сайлау жүйесі туралы, өткен және алдағы сайлау науқандары туралы, сайлау органдарының азаматтардың сайлауға және сайлануға конституциялық құқықтары мен бостандықтарын іске асыруға бағытталған қызметі туралы ақпарат беруде.

Өткізілген іс-шаралар барысында облыстың қалалары мен аудандарының аумақтық сайлау комиссияларының төрағалары мен мүшелері жас мамандарға, жастар ұйымдарының өкілдеріне және басқа да болашақ сайлаушыларға елдегі сайлау жүйесінің даму тарихын, сайлау заңнамасын жетілдіру контекстіндегі және сайлау науқандарының хронологиясындағы оның даму кезеңдерін ұсынды.