Оқыту семинары – Семей қаласы 2024 жылғы 9 – 12 қыркүйек

Семейт қаласында 2024 жылғы 9 қыркүйектен 12 қыркүйекке дейін, 4 күн ішінде Абай облысының аумақтық сайлау комиссиясы республикалық референдумды тиімді дайындау және өткізу мақсатында "Сайлау күні учаскелік сайлау комиссияларының жұмысын ұйымдастыру " тақырыбында каскадты әдіспен семинар өткізді.

Семинарға аталған қаланың аумақтық және учаскелік сайлау комиссияларының төрағалары, олардың орынбасарлары мен хатшылары қатысты.

Сайлау комиссияларының қызметін ұйымдастыру және байқаушылармен жұмыс, сайлаушылар тізімдерімен жұмыс істеу және сайлау учаскелерін жарақтандыру мәселелері бойынша оқыту жүргізілді, сондай-ақ дауыс беру күнінің алгоритмі егжей-тегжейлі түсіндірілді.

Семинарды өткізу қорытындысы бойынша облыстық аумақтық сайлау комиссиясының мүшелері қатысушылардың сұрақтарына жан-жақты толық жауап берді.