Оқыту семинары – Абай облысы Семей қаласы 2024 жылғы 4 қыркүйек

2024 жылғы 4 қыркүйек күні Абай облысының аумақтық сайлау комиссиясы республикалық референдумды тиімді дайындау және өткізу мақсатында " Республикалық референдумды тиімді дайындау және өткізу: ұйымдастырушылық-құқықтық мәселелері, оқыту әдістемесі және қаржыландыру мәселелері " тақырыбында каскадты әдіспен онлайн семинар өткізді.

Семинарға  Абай облысының қалалары мен аудандарының аумақтық сайлау комиссияларының төрағалары, олардың орынбасарлары мен хатшылары қатысты.

Сайлау комиссияларының қызметін ұйымдастыру және байқаушылармен жұмыс, сайлаушылар тізімдерімен жұмыс істеу және сайлау учаскелерін жарақтандыру мәселелері бойынша оқыту жүргізілді, сондай-ақ дауыс беру күнінің алгоритмі егжей-тегжейлі түсіндірілді.

Семинарды өткізу қорытындысы бойынша облыстық аумақтық сайлау комиссиясының мүшелері қатысушылардың сұрақтарына жан-жақты толық жауап берді.