Оқыту семинары - Семей қаласы 2024 жылғы 16 сәуір

2024 жылғы 16 сәуір күні Абай облысының аумақтық сайлау комиссиясы жаңадан құрылған Жаңасемей және Мақаншы аудандарының аумақтық сайлау комиссияларының қатысумен жоспарға сәйкес "Қазақстан Республикасында сайлау науқандарын ұйымдастыру негіздері: өткізу ерекшеліктері мен кезеңдері" тақырыбында оқыту семинарын өткізді.

Семинарға аталған аумақтық сайлау комиссияларының төрағалары, олардың орынбасарлары мен хатшылары қатысты.

Сайлау комиссияларының қызметін ұйымдастыру және байқаушылармен жұмыс, сайлаушылар тізімдерімен жұмыс істеу және сайлау учаскелерін жарақтандыру мәселелері бойынша оқыту жүргізілді, сондай-ақ сайлау күні алгоритмі және сайлау алдындағы үгітті жүргізу егжей-тегжейлі түсіндірілді.

Семинар барысында Абай облысы аумақтық сайлау комиссиясының төрағасының орынбасары, хатшысы және мүшелері, сондай-ақ Семей қаласы аумақтық сайлау комиссиясының төрағасы және хатшысы баяндама жасады.

Семинарды өткізу қорытындысы бойынша облыстық аумақтық сайлау комиссиясының мүшелері қатысушылардың сұрақтарына жан-жақты толық жауап берді.

Абай облысының

аумақтық сайлау комиссиясы