Өткізілетін семинар-кеңестер туралы

Абай облысының аумақтық сайлау комиссиясы учаскелік сайлау комиссияларының базасында Қазақстан Республикасы Парламенті Мәжілісі мен барлық деңгейдегі мәслихаттар депутаттарының кезектен тыс сайлауын дайындау және өткізу мәселелері бойынша апта сайын семинар-кеңестер өткізеді.

Іс-шараларға учаскелік, сондай-ақ облыстық және қалалық округтік сайлау комиссияларының мүшелері қатысады.

Облыстың аумақтық сайлау комиссия мүшелері сайлау заңнамасының барлық жаңалықтарын түсіндіріп, нақты кейстер негізінде іскерлік ойын түрінде тренингтер өткізеді.

 Ұйымдастырылған ойын барысында сайлау комиссияларының мүшелері дауыс берудің барлық барысын қамтитын учаскелерде дауыс беру процесін көрсетеді. Олар учаскелік сайлау комиссияларының дауыс беру күні қалай жұмыс істейтінін, соның ішінде учаскелерді ашу, бюллетеньдер беру, дауыс беруді ұйымдастыру, байқаушыларды тіркеу, есептен шығару куәліктері бойынша дауыс беру, дауыстарды санау және учаскелер бойынша нәтижелер шығару процесін көрсетеді.

Семинар-кеңестің соңында аумақтық сайлау комиссиясының мүшелері сайлау комиссияларының мүшелерін қызықтыратын барлық сұрақтарға жауап береді.