Абай облысы ветеринария басқармасының шаруашылық жүргізу құқығындағы «Ақсуат-Вет» коммуналдық мемлекеттік кәсіпорнын құру туралы

жоба

  

Абай облысы ветеринария басқармасының

шаруашылық жүргізу құқығындағы

«Ақсуат-Вет» коммуналдық

мемлекеттік кәсіпорнын құру туралы

  

Қазақстан Республикасы Азаматтық кодексінің 40-бабына, «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасы Заңының 27-бабының 2-тармағына, «Мемлекеттік мүлік туралы» Қазақстан Республикасы Заңының 17-бабының 6-тармақшасына, 133-бабына, 134-бабы 2-тармағының 18) тармақшасына сәйкес, Абай облысының әкімдігі  ҚАУЛЫ ЕТЕДІ:

1. Абай облысы ветеринария басқармасының «Ақсуат-Вет» шаруашылық жүргізу құқығындағы коммуналдық мемлекеттік кәсіпорны (бұдан әрі – Кәсіпорын) құрылсын.
2. Айқындалсын:

1) Кәсіпорынның тиісті саласының уәкілетті органы болып «Абай облысының ветеринария басқармасы» мемлекеттік мекемесі;

2) Кәсіпорын қызметінің негізгі мәні ветеринария саласындағы функцияларды жүзеге асыру.

3. «Абай облысының ветеринария басқармасы» (Е. М. Барышев), «Абай облысының қаржы басқармасы» (Ә. Н. Қожанбаев) мемлекеттік мекемелері осы қаулыдан туындайтын шараларды қабылдасын.
4. Әкімдіктің осы қаулының орындалуын бақылау облыс әкімінің орынбасары Н. Т. Нұрсағатовқа жүктелсін.

 

Абай облысының әкімі                                                         Н. Ұранхаев

 

ЖАРҒЫ

ТҮСІНДІРМЕ ЖАЗБА

 

 

Дата публикации

12 сентября 2022