Аягөз және Жарма аудандарында Семинар-кеңес

Семинар-кеңестерге Аягөз және Жарма аудандарының аумақтық сайлау комиссияларының мүшелері, учаскелік сайлау комиссияларының төрағалары, олардың орынбасарлары мен хатшылары қатысты.

Аудан әкімдерінің аппарат басшыларының және аумақтық сайлау комиссия төрағаларының сайлау учаскелерінің материалдық-техникалық базасын жарақтандыру, сайлаушылар тізімімен жұмыс жасау, сондай-ақ сайлау комиссиялары мүшелерінің құрамы мен кәсібилігі туралы есептері тыңдалды.

Облыстық сайлау комиссиясының мүшелері сайлау комиссиясының қызметін ұйымдастыру және байқаушылармен жұмыс, сайлаушылар тізімімен жұмыс істеу және сайлау учаскелерін жарақтандыру мәселелері бойынша оқыту жүргізді, сондай-ақ сайлау күні алгоритмі мен сайлау алдындағы үгітті жүргізу егжей-тегжейлі түсіндірілді.

Семинар кәсіби психолог дайындаған сайлау учаскелеріндегі стресске төзімділік мәселелері және жанжалды жағдайларда УСК мүшелерінің іс-әрекеттері бойынша практикалық сабақпен аяқталды.

Семинар-кеңес өткізу қорытындысы бойынша облыстық аумақтық сайлау комиссиясының мүшелері сайлау учаскелерін жарақтандырумен танысып, учаскелік сайлау комиссиялары мүшелерінің сұрақтарына жауап берді.