Қалбатау ауылдық округі әкімшілігінде құқықтық кабинет қызмет көрсетуді бастады. Ауыл тұрғындары құқықтық мәселелер бойынша кеңес алады. Қосымша ақпарат алу үшін ауылдық округ әкімшілігіне хабарласуыңызды немесе әкімшілікке келіп кеңес сұрай аласыздар.
Қалбатау ауылдық округі әкімі К.Рахимжанов елді мекеннің санитарлық тазалығын сақтау мәселелері бойынша жиналыс өткізді. Жиналыс барысында ауыл аумағын таза ұстау, қоқысты белгіленген орындарға шығару, көшелер мен қоғамдық орындардың тазалығын қамтамасыз ету жөнінде нақты тапсырмалар берілді. Өткізілген жиналыс қорытындысы бойынша тиісті мекемелерге бақылауды күшейту және тазалық жұмыстарын жүйелі түрде жүргізу тапсырылды.
Қазақстанда 25,9 млн тонна астық бастырылды. Егін жинау науқаны аяқталуға жақын. Дәнді және дәнді-бұршақты дақылдардың болжамды жинау алаңы 16 млн гектардан асады. Бүгінгі таңда 15,5 млн гектар немесе жалпы егіс алқаптарының 96,8%-ы жиналды. Нәтижесінде 25,9 млн тонна астық бастырылды, деп хабарлайды ҚР Ауыл шаруашылығы министрлігі.
2025 жылы қазақстандықтарға 631 млрд теңгеден астам бала тууына және бала күтіміне байланысты жәрдемақылар төленді Жыл басынан бері мемлекеттік жәрдемақылармен, сондай-ақ Мемлекеттік әлеуметтік сақтандыру қорынан, баланы босануға және бала 1,5 жасқа толғанға дейін оның күтіміне байланысты төлемдермен жалпы сомасы 631,2 млрд теңгеге 475,2 мың адам қамтылды, деп хабарлайды ҚР Еңбек және халықты әлеуметтік қорғау министрлігі.
"Өнер ескірмейді, есте қалады" атты ардагерлер арасында өткен аудандық сайыста "Қалбатау округінің" тобы 1-ші орын иеленіп, ардагерлеріміз округ әкімі Рахимжанов Канат Сериковичтің мадақтамасымен марапатталды.
Бүгінгі күні Қалбатау ауылындағы Ауезов көшесінде мердігер ұйым - “Жарма тас жолы” ЖШС жоспарға сәйкес асфальт төсеу жұмыстарын жүргізуде.
2025 жылдың 27 қыркүйек күні Абай облысы Жарма ауданы Қалбатау ауылының муниципалды базарында Қалбатау, Божығұр, Ақжал округтері бойынша “Күзгі ауылшаруашылық жәрмеңкесі” өткізілді.
Бүгін, яғни 25 қыркүйек күні Қалбатау ауылдық округі әкімшілігінің бастамасымен Қапай батыр ауыл тұрғындарымен құқықбұзушылықтардың алдын алу мәселесіне қатысты жиналыс өткізілді. Жиынға округ әкімі Рахимжанов Канат Серикович, Жарма АПБ бастығы полиция подполковнигі Райстанов Даулет Далелханұлы, Жарма АПБ бастығының орынбасары полиция подполковнигі Құнанбаев Даркан Маратұлы, Жарма аудандық полиция бөлімі жергілікті полиция қызметі бөлімінің учаскелік полиция инспекторы Ақан Талғат Жұмағазыұлы қатысты. Аталған жиында малдарды чиптеу, сырғалау, уақытында қан алдыру шараларын жүргізу қажеттілігі, жылқылардың жол бойына шығуы салдарынан жол-көлік апаттарының жиі орын алуы, құқықбұзушылықтардың алдын алу мақсатында мал иелерінің жауапкершілігін арттыру мәселелері қозғалды.
"Таза Қазақстан" экологиялық акциясы аясында сенбілік жұмыстары ұйымдастырылды.
Құрметті, Қалбатау ауылының тұрғындары, қоршаған ортаны таза ұстау - бәріміздің қолымызда!!!
Қалбатау ауылында "Таза Қазақстан" акциясы аясында гүлдерді күтіп ұстау жұмыстары жалғасуда.