«Таза Қазақстан» республикалық экологиялық бағдарламасын іске асыру шеңберінде, сондай-ақ ауданның санитариялық жағдайын жақсарту, абаттандыру мен көгалдандыру деңгейін арттыру және халықтың жайлы өмір сүруіне қолайлы жағдай жасау мақсатында аудан әкімдігімен 2026 жылғы 27 наурыздағы №83 «Жаңасемей ауданы аумағында санитарлық тазалықты қамтамасыз ету, абаттандыру және көгалдандыру жөніндегі екі айлықты өткізу туралы» қаулысы қабылданды.
Аталған қаулыға сәйкес, 2026 жылғы 1 сәуір мен 1 маусым аралығында аудан аумағында елді мекендерді көгалдандыру, абаттандыру және санитариялық жағдайын жақсарту бойынша екі айлық өткізу, сондай-ақ тұрғын үйлердің аулалық аумақтарын, көшелерді, тарихи-мәдени ескерткіштер мен әлеуметтік нысандарды тазарту жөніндегі экологиялық іс-шараларды мамандандырылған техниканы тарта отырып және қоқысты қатты тұрмыстық қалдықтар полигондарына шығару арқылы жүргізу жоспарланған.
2024–2026 жылдарға арналған елді мекендерді көгалдандырудың өңірлік жоспары аясында ағымдағы жылы аудан аумағында 1 500 ағаш-бұта көшеттерін отырғызу жоспарланған.
Ағымдағы жылдың басынан бастап Қазақстан Республикасының Әкімшілік құқық бұзушылық туралы Кодексінің 505-бабы бойынша елді мекендердің аумақтарын абаттандыру қағидаларын бұзғаны үшін 272 әкімшілік хаттама толтырылды. Аталған іс-шаралардың орындалуы жергілікті атқарушы органдардың тұрақты бақылауында.
Қазақстан Республикасының «Тұрғын үй саясатын реформалау мәселелері бойынша кейбір заңнамалық актілерге өзгерістер мен толықтырулар енгізу туралы» Заңына сәйкес, 2025 жылғы 24 мамырдан бастап тұрғын үйге мұқтаж азаматтарды есепке қою, есеп жүргізу және тұрғын үйді бөлу функциялары жергілікті атқарушы органдардан «Отбасы банк» акционерлік қоғамына берілді.
2026 жылдың жыл басында 11 пәтер табысталды, оның ішінде: Шүлбі кенті-7, Озерка ауылы-1, Приречное ауылы-1, Мұқыр -2. ( көпбалалы отбасыларға – 6 пәтер, толық емес отбасыларға– 3 пәтер, жетім балаларға – 1 пәтер, жесірлерге -1 пәтер).
2026 жылға 2 пәтерлі 10 тұрғын үй салу жоспарлануда. Мемлекеттік тұрғын үй қорынан тұрғын үй алу кезегінде 167 адам тіркелген.