2025 жылғы 1 қарашадағы жағдай бойынша, «Жаңасемей ауданының жұмыспен қамту және әлеуметтік бағдарламалар бөлімі» мемлекеттік мекемесінің нақтыланған бюджеті 344 млн 163 мың теңгені құрады, оның ішінде:

• облыстық бюджет – 195 млн 237 мың теңге;
• аудандық бюджет – 148 млн 926 мың теңге.

Бюджеттің орындалуы 224 млн 65 мың теңгені немесе 65,1% құрап, қаражаттар тиімді, уақтылы және мақсатты түрде игерілуде.

Ауданда жұмыссыздықтан әлеуметтік қорғау шаралары 2024–2029 жылдарға арналған Қазақстан Республикасының еңбек нарығын дамыту тұжырымдамасын іске асыру арқылы жүзеге асырылуда. Осы тұжырымдама аясында жұмыспен қамтудың белсенді шаралары іске асырылуда. Атап айтқанда:

• тұрақты жұмысқа орналастыру;
• уақытша ақылы қоғамдық жұмыстарға тарту;
• кәсіби оқытуға жолдау;
• жастар тәжірибесін ұйымдастыру;
• әлеуметтік жұмыс орындарын құру;
• сондай-ақ «Бірінші жұмыс орны», «Күміс жас» және «Ұрпақтар келісімшарты» жобалары жүзеге асырылуда.

2025 жылғы қараша айындағы деректер бойынша Жаңасемей ауданында тіркелген жұмыссыздар саны – 331 адам.

Жұмыспен қамту көрсеткіштері

2025 жылға арналған өңірлік жұмыспен қамту картасы аясында 445 жұмыс орнын құру жоспарланған, оның ішінде:

• тұрақты жұмыс орындары – 217;
• уақытша жұмыс орындары – 228.

2025 жылғы қараша айындағы жағдай бойынша ауданда 578 жұмыс орны құрылды, бұл жылдық жоспардың 129,9%-ын құрайды, оның ішінде:

• тұрақты жұмыс орындары – 284 (130,9%);
• уақытша жұмыс орындары – 294 (127,6%).

Субсидияланатын (уақытша) жұмыс орындары бойынша көрсеткіштер:

Жалпы жоспар – 578 жұмыс орны, оның ішінде:

• тұрақты – 284;
• уақытша – 294.
  Бұл жылдық жоспардың 129,9%-ын құрайды.

«10 мың еңбекке жарамды халыққа 100 жұмыс орны» көрсеткіші бойынша ауданның нәтижесі – 117.

Кәсіпкерлікті дамыту және гранттық қолдау

2025 жылғы қараша айындағы деректер бойынша 139 жеке кәсіпкерлік субъектісі ашылып, оларда 170 адам жұмыспен қамтылған.

Жұмыс берушілер ұсынған бос жұмыс орындарының жылдық жоспары – 95, ал нақты орындалуы – 109.

Қайтарымсыз мемлекеттік гранттар бойынша жылдық жоспар – 5, барлығы 5 грант берілді (Чаган кенті, Қайнар ауылы, Шүлбі кенті, Мұқыр ауылы, Бұлак ауылы).