Меню
- ветеринария саласындағы мемлекеттік саясатты іске асыру;
- денсаулық сақтау саласындағы уәкілетті мемлекеттік органмен бірлесе отырып, халық денсаулығын жануарлар мен адамға ортақ аурулардан қорғауды ұйымдастыру және өзара ақпарат алмасуды жүзеге асыру;
- мүдделі тұлғаларға жүргізіліп жатқан ветеринариялық іс-шаралар туралы ақпарат беруді ұйымдастыру және қамтамасыз ету;
- мал қорымдарын (биотермиялық шұңқырларды) салуды, реконструкциялауды ұйымдастыру және оларды күтіп-ұстауды қамтамасыз ету;
- жануарлардың саулығы мен адамның денсаулығына қауіп төндіретін жануарларды, жануарлардан алынатын өнім мен шикізатты алып қоймай залалсыздандыру (зарарсыздандыру) және қайта өңдеу;
- жануарлардың саулығы мен адамның денсаулығына қауіп төндіретін, алып қоймай залалсыздандырылған (зарарсыздандырылған) және қайта өңделген жануарлардың, жануарлардан алынатын өнім мен шикізаттың құнын иелеріне өтеу;
- ауру жануарларды санитариялық союды ұйымдастыру;
- уәкілетті органмен келісім бойынша тиісті әкімшілік-аумақтық бірліктің аумағында ветеринариялық-санитариялық қауіпсіздікті қамтамасыз ету жөніндегі ветеринариялық іс-шаралар жоспарын бекіту;
- тиісті әкімшілік-аумақтық бірліктің аумағында ветеринариялық-санитариялық қауіпсіздікті қамтамасыз ету жөніндегі ветеринариялық іс-шаралар ұйымдастыруды және жүргізуді үйлестіру;
- ветеринариялық препараттардың республикалық қорын қоспағанда, жануарлардың аса қауіпті ауруларының профилактикасына арналған ветеринариялық препараттарды сақтауды, оларды аудандардың (облыстық маңызы бар қалалардың) жергілікті атқарушы органдарына тасымалдауды (жеткізуді) ұйымдастыру;
- эпизоотия ошақтары пайда болған жағдайда оларды зерттеп-қарауды жүргізу;
- эпизоотологиялық зерттеп-қарау актісін беру;
- ветеринариялық есепке алу мен есептілікті жинақтау, талдау және оларды уәкілетті органға ұсыну;
- ауыл шаруашылығы жануарларын бірдейлендіру жөніндегі деректер базасын жүргізуді ұйымдастыру
- ветеринария мәселелері бойынша халық арасында ағарту жұмыстарын ұйымдастыру және жүргізу;
Тұрақты эпизоотиялық жағдайды қамтамасыз ету мақсатында Абай облысы ветеринария басқармасының «Облыстық ветеринариялық қызмет» шаруашылық жүргізу құқығындағы коммуналдық мемлекеттік кәсіпорны бекітілген жоспарға сәйкес жануарлардың 11 аса қауіпті ауруларына (құтыру, аусыл, пастереллез, сібір жарасы, эмфизематозды карбункул, ІҚМ вирустық диареясы мен инфекциялық ринотрахеит, нодулярлы дерматит, листериоз, етқоректілердің эхинококкозы, туберкулез, жылқылардың сап ауруы) қарсы профилактикалық және диагностикалық зерттеу (бруцеллез, қошқарлардың жұқпалы эпидидимиті, хламидиоз, лейкоз, листериоз, вирустық диарея, инфекциялық ринотрахеит, лептоспироз, паратуберкулез, аусыл ауруына қарсы иммунитет кернеулігі, аусыл құрылымдық емес ақуыздар) іс-шараларын жүргізеді.
2025 жылға арналған профилактикалық іс-шаралар жоспары бойынша 7,508 млн. манипуляция және диагностикалық іс-шаралар жоспарына сәйкес 2,044 млн. диагностикалық зерттеулер жүргізу жоспарланды.
