2024 жылы 25 шілде күні Үржар аудандық мәдениет үйінде жоспарға сәйкес Абай облыстық аумақтық сайлау комиссиясының ұйымдастыруымен Үржар ауданының 43 учаскелік сайлау комиссия мүшелеріне арналған «Сайлау күні дауыс беруді ұйымдастыру» тақырыбында оқыту семинары өтті. Семинарда облыстық аумақтық сайлау комиссиясының хатшысы А.Б. Ерғазин, комиссия мүшелері А. А. Құрманғалиев, Е. С. Кешубаев және Аягөз, Бесқарағай, Бородулиха, Жарма, Көкпекті аудандық сайлау комиссияларының төрағалары баяндама жасады.
Бағдарлама сайлауды дайындауға және өткізуге, сайлауды ұйымдастырушылардың кәсіби құзыреттілік деңгейін арттыруға бағытталған. Дәріс, топтық жұмыс, сауалнамалар, пікірлер мен тәжірибе алмасу, сұрақ - жауап әдістерімен ұйымдастырушылар семинарды жоғары деңгейде өткізді.