Ауыл шаруашылығы.
2023 жылдың 12 айының қорытындысында 115 млрд. 005 млн.теңгенің ауыл шаруашылық өнімдері өндіріліп, 2022 жылмен салыстырғанда 102,4 %-ға өсті. Егістік көлемі 192 314 гектарды құрап, 2022 жылмен салыстырғанда 100,7%-ға немесе 1 300 гектарға артты.
2023 жылдың қорытындысы бойынша 67,4 мың га дәнді дақыл алқабы орылып, 112,5 мың тонна өнім жиналды (күздік бидай 12,8 мың тонна, жаздық бидай 72,4 мың тонна, арпа 18,5 мың тонна, сұлы 1,2 мың тонна, жүгері 7,6 мың тонна);
72,4 мың га майлы дақыл алқабы орылып, 97,1 мың тонна өнім жиналды (күнбағыс 92,3 мың тонна, мақсары 3,6 мың тонна, соя 1,2 мың тонна), 60,0 мың тонна картоп, 46,9 мың тонна көкөніс және 38,4 мың тонна бақша дақылдары, 222 мың тонна мал азығы (шөп) жиналды.
Ауданның ауыл шаруашылық құрылымдары 4 млрд. 173,8 млн.теңгеге барлығы 285 бірлік жаңа ауыл шаруашылық техникаларын 118 шаруа қожалықтары сатып алды.
Мал шаруашылығы өнімдерін өндіру:
2023 жылдың 12 айдың қорытындысында
өндірілген ет көлемі 26,6 мың тоннаны (102,5 %-ға),
сауылған сүт 92,2 мың тоннаны (101,2 %-ға) құрап, алынған жұмыртқа 20294 мың дананы құрап 101,0 %-ға дейін өсті.
Аудан бойынша ірі қара мал саны 117 450 бас (өсуі 102,0 %),
Жылқы саны 35 634 басты, Қой мен ешкі 198 025 басты (өсуі 100,7 %), құстар 135066 басты 101,5 % құрады.
Ауданның шаруашылық құрылымдары «Іскер», «Агробизнес», «Кең-Дала» тағы басқа бағдарламалар бойынша қаржылық институттардың барлығы 805,0 млн.теңгеге 98 жоба қаржыландырылды. (Анықтама ретінде: 56 жоба 335,3 млн.теңгеге "Іскер" бағдарламасы, 11 жоба 347,1 млн.теңгеге "Агробизнес" бағдарламасы, 1 жоба 28,5 млн.теңгеге "Кең дала" бағдарламасы, 30 жоба 94,1 млн.теңгеге «Жастар» бағдарламасы).
Ауыл халқының табысын арттыру мақсатында «Ауыл Аманаты» бағдарламасы аясында аудан бойынша СПК "Семей" агентіне жалпы соммасы 583,6 млн.теңгеге 109 жобаның құжаттары өткізіліп, қаржыландырылды.