Осы бөлімде ауданның білім беру жүйесінің дамуы, білім беру ұйымдарының қызметі, мемлекеттік бағдарламалар мен жобалардың іске асырылуы, сондай-ақ білім беру қызметтерінің сапасын арттыруға бағытталған жұмыстар туралы ақпарат орналастырылады.
Бөлімнің негізгі мақсаты – сапалы әрі қолжетімді білім беруді қамтамасыз ету, өскелең ұрпақты оқыту мен тәрбиелеуге қолайлы жағдай жасау, педагогтердің кәсіби әлеуетін дамыту және заманауи білім беру технологияларын енгізу болып табылады. Сонымен қатар, бөлімде білім беру ұйымдарының қызметі, өткізілетін іс-шаралар, оқушылар мен педагогтердің жетістіктері туралы өзекті ақпарат жарияланады.
Білім беру саласындағы жұмыс Қазақстан Республикасының қолданыстағы заңнамасына сәйкес жүзеге асырылады және білім беру жүйесін дамытуға, оқыту сапасын арттыруға, жан-жақты дамыған тұлғаны тәрбиелеуге әрі білім беру қызметтеріне тең қолжетімділікті қамтамасыз етуге бағытталған.
Мектепке дейінгі ұйымдарға кезекке қою және жолдама алу туралы ақпарат
2026 жылғы сәуір айынан бастап мектепке дейінгі ұйымдарға балаларды кезекке қою және жолдама алу бойынша мемлекеттік қызметтер Balabaqshasnation.kz ақпараттық порталы арқылы жүзеге асырылады.
Мектепке дейінгі білім беру саласында мемлекеттік қызметтер Қазақстан Республикасы Білім және ғылым министрінің 2020 жылғы 19 маусымдағы №254 бұйрығымен бекітілген «Мектепке дейінгі білім беру саласында мемлекеттік қызметтер көрсету қағидаларына» сәйкес көрсетіледі.
Қазіргі таңда Үржар ауданы бойынша мектепке дейінгі ұйымдарға кезекте 513 бала тұр.
Олардың жас ерекшеліктері бойынша бөлінісі:
Ата-аналар (заңды өкілдер) балаларды мектепке дейінгі ұйымдарға кезекке қою, кезектің қозғалысын бақылау және бос орын болған жағдайда жолдама алу қызметтерін Balabaqshasnation.kz порталы арқылы электронды түрде пайдалана алады.
Мектепке дейінгі ұйымдарға балаларды қабылдау қолданыстағы заңнама талаптарына сәйкес, кезектілік және белгіленген тәртіп негізінде жүзеге асырылады.