Мектепке дейінгі білім
Көлденең ауылдық округінде 3 мектепке дейінгі ұйым (1 мемлекеттік, 1 жеке-меншік) және орта білім беру мектеп жанындағы 1 шағын орталық қызмет етеді. Балабақшалар мен шағын-орталықтарда барлығы 65 бала қамтылған.
3-6 жастағы балаларды мектепке дейінгі тәрбие мен оқытумен қамту – 100% құрайды.
Көлденең ауылдық округінің балабақшаларында оқу-тәрбие үрдісінде инновациялық технологияларды: ойын, денсаулықсақтау, жеке тұлғаға бағытталған белсенді оқыту, жобалау, ақпараттық-коммуникативтік технологияларды қолдану жұмыстары жалғасуда. Мектепке дейінгі мекемелердегі оқыту үрдісі мектепке дейінгі тәрбие мен оқытудың мемлекеттік жалпы міндетті стандарт, Типтік оқу жоспары, Типтік оқу бағдарламасы арқылы жүзеге асады.
Орта білім беру
Жалпы білім беру мекемелер жүйесінде: 1 - мемлекеттік жалпы білім беретін мектеп. Білім беру казақ және орыс екі тілде жүргізіледі.
Қорытынды аттестаттау
Мемлекеттік бітіру емтиханы- орта білім беру ұйымдарындағы білім алушыларды қорытынды аттестаттау нысандарының бірі, орта мектеп курсын тәмамдағаны туралы аттестат алу үшін қажетті шарт болып табылады.
2022-2023 оқу жылындағы түлектер саны 10, Соның ішінде қазақ сыныбыннан 5,орыс сыныбынан 5.