Абай облысы Үржар ауданы Қарақол ауылдық мәдениет үйі мекемесінің ғимараты 1987 жылы салынған, 2014 жылы күрделі жөндеуден өткізілген. Мәдениет үйінің көрермендер залы 220 орынға арналған.
Мекемеде ауыл тұрғындарына мәдени қызмет көрсету, халықтың бос уақытын тиімді ұйымдастыру, ұлттық өнер мен салт-дәстүрді насихаттау бағытында жұмыстар жүргізіледі.
Қазіргі таңда мәдениет үйінде 6 қызметкер еңбек етеді. Мекеме жанында 4 шығармашылық үйірме мен топ жұмыс атқарады:
- Домбырашылар үйірмесі;
- Драма үйірмесі;
- «Шашу» бишілер тобы;
- «Ардагерлер» ансамблі.
Сонымен қатар мәдениет үйінің спорт залында ауыл жастары арасында спорттық бағыттағы жұмыстар жүргізіледі. Жастар қазақ күресі, еркін күрес және ережесіз жекпе-жек спорт түрлерімен айналысады.
Мәдениет үйінде мемлекеттік және ұлттық мерекелерге арналған концерттік бағдарламалар, мәдени-көпшілік іс-шаралар, шығармашылық кештер, байқаулар, кездесулер, көрмелер және жастарға арналған түрлі мәдени-спорттық шаралар тұрақты түрде ұйымдастырылады.
Мәдениет үйінің меңгерушісі – Тайжигитов Даулетқали Чотбасұлы.
Білімі – арнаулы орта, Семей оқу-ағарту училищесінің түлегі.
Мәдениет саласындағы еңбек өтілі – 1988 жылдан бері, 38 жыл.
Қарақол ауылдық мәдениет үйі ауыл тұрғындарының мәдени өмірін жандандыруға, ұлттық өнерді дәріптеуге, шығармашылық қабілеттерді дамытуға және жастардың бос уақытын тиімді ұйымдастыруға өз үлесін қосып келеді.