Абай облысы әкімдігінің 2023 жылғы 4 қыркүйектегі № 154 «Абай облысының жергілікті маңызы бар балық шаруашылығы су тоғандарының тізбесін бекіту туралы» қаулысына өзгеріс енгізу туралы

Абай облысының әкімдігі ҚАУЛЫ ЕТЕДІ:

  1. «Абай облысының жергілікті маңызы бар балық шаруашылығы су тоғандарының тізбесін бекіту туралы» Абай облысы әкімдігінің 2023 жылғы  4 қыркүйектегі № 154 қаулысына (Нормативтік құқықтық актілерді мемлекеттік тіркеу тізілімінде № 121-18 болып тіркелген) келесі өзгеріс енгізілсін:

көрсетілген қаулының кіріспесі келесі редакцияда жазылсын:

«Қазақстан Республикасындағы жергілікті мемлекеттік басқару және
өзін-өзі басқару туралы» Қазақстан Республикасы Заңының 27-бабының
2-тармағына, «Жануарлар дүниесін қорғау, өсімін молайту және пайдалану туралы» Қазақстан Республикасы Заңының 10-бабы 2-тармағының
3-1) тармақшасына сәйкес, Абай облысының әкімдігі ҚАУЛЫ ЕТЕДІ:».

  1. «Абай облысының табиғи ресурстар және табиғат пайдалануды реттеу басқармасы» мемлекеттік мекемесі Қазақстан Республикасының заңнамасында белгіленген тәртіппен:

1) осы қаулының Абай облысының Әділет департаментінде мемлекеттік тіркелуін;

2) осы қаулыны Абай облысы әкімдігінің интернет-ресурсында ресми жарияланғаннан кейін орналастыруын қамтамасыз етсін.

  1. Осы қаулының орындалуын бақылау облыс әкімінің жетекшілік ететін орынбасарына жүктелсін.
  2. Осы қаулы оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.

 

 

Абай облысының әкімі                                                          Н. Ұранхаев

 

Дата публикации
17 июля 2024