Абай облысының «Табиғи ресурстар және табиғат пайдалануды реттеу басқармасы» мемлекеттік мекемесінің және оның ведомстволық бағынысты мекемелерінің мемлекеттік қызметтер көрсету мәселелері бойынша 2022 жылғы қызметі туралы есебі

  1. Жалпы ережелер

    1) Қызмет беруші туралы мәліметтер

    Абай облысының «Табиғи ресурстар және табиғат пайдалануды реттеу басқармасы» мемлекеттік мекемесі (бұдан әрі – Басқарма) Абай облысы аумағында орман, аңшылық, балық шаруашылығы, су шаруашылығы, ерекше қорғалатын табиғи аумақтар, қоршаған ортаны қорғау және жануарлар мен өсімдіктер дүниесінің өзге де объектілері саласында мемлекеттік саясатты іске асырады.

    2) Мемлекеттік қызметтер туралы ақпарат

    Басқарма үш мемлекеттік қызметті көрсетеді, оның ішінде 1 қызмет – «Жануарлар дүниесін пайдалануға рұқсат беру» ақылы негізде көрсетіледі.

    2022 жылы (қараша–желтоқсан) 41 мемлекеттік қызмет көрсетілді, оның ішінде:

    • «II санаттағы объектілер үшін қоршаған ортаға әсер етуге рұқсат беру» – 6 қызмет;
    • «Жергілікті атқарушы органдар жүзеге асыратын мемлекеттік экологиялық сараптама қорытындысын беру» – 9 қызмет;
    • «Жануарлар дүниесін пайдалануға рұқсат беру» – 26 қызмет.

    Мемлекеттік қызметтер «Е-лицензиялау» мемлекеттік деректер базасы ақпараттық жүйесі арқылы электрондық форматта көрсетіледі.

    Мемлекеттік қызметтерді көрсету тәртібін айқындайтын бекітілген нормативтік-құқықтық актілер саны – 3:

    • Қазақстан Республикасы Экология, геология және табиғи ресурстар министрінің 2021 жылғы 9 тамыздағы № 319 бұйрығымен бекітілген «II санаттағы объектілер үшін қоршаған ортаға әсер етуге рұқсат беру қағидалары»;
    • Қазақстан Республикасы Экология, геология және табиғи ресурстар министрінің 2021 жылғы 9 тамыздағы № 317 бұйрығымен бекітілген «Жергілікті атқарушы органдар жүзеге асыратын мемлекеттік экологиялық сараптама қорытындысын беру қағидалары»;
    • Қазақстан Республикасы Ауыл шаруашылығы министрінің міндетін атқарушының 2014 жылғы 19 желтоқсандағы № 18-04/675 бұйрығымен бекітілген «Жануарлар дүниесін пайдалануға рұқсат беру қағидалары».

    3) Ең сұранысқа ие мемлекеттік қызметтер туралы ақпарат

    Басқармадағы ең сұранысқа ие мемлекеттік қызмет – «Жануарлар дүниесін пайдалануға рұқсат беру», оның үлесі жалпы көрсетілген қызметтердің 63%-ын құрайды.

    Қызмет алушылармен жұмыс

    1) Мемлекеттік қызметтерді көрсету тәртібі туралы ақпарат көздері мен қолжетімділік орындары

    Мемлекеттік қызметтерді көрсету тәртібі туралы ақпаратты қызмет берушінің интернет-ресурсынан https://www.gov.kz/memleket/entities/abay-tabigat/about?lang=ru, «Электрондық үкімет» веб-порталынан www.elicense.kz, сондай-ақ (8-7222) 35-45-35 телефоны арқылы алуға болады.

    2) Мемлекеттік қызметтер стандарттары жобаларын жария талқылау туралы ақпарат

    Есепті кезеңде мемлекеттік қызметтер көрсету тәртібін айқындайтын нормативтік-құқықтық актілер жобалары талқылауға шығарылған жоқ.

    3) Мемлекеттік қызметтер көрсету үдерісінің ашықтығын қамтамасыз ету жөніндегі іс-шаралар

    Мемлекеттік қызметтер сапасын арттыру мақсатында Басқармада және ведомстволық бағынысты мекемелерде ресми интернет-ресурстарда, Facebook, Instagram әлеуметтік желілерінде жануарлар дүниесі, орман шаруашылығы және экология салаларындағы мемлекеттік қызметтер бойынша ақпараттық-түсіндіру жұмыстары тұрақты түрде жүргізіледі, сондай-ақ ішкі бақылау шаралары жарияланады.

    Қызмет алушылар жүгінген жағдайда мамандар тарапынан мемлекеттік қызмет көрсету тәртібі бойынша консультациялық-түсіндіру жұмыстары жүргізіледі.

    Мемлекеттік қызметтер көрсету үдерістерін жетілдіру

    1) Мемлекеттік қызметтер көрсету процестерін оңтайландыру және автоматтандыру нәтижелері

    Қазіргі уақытта барлық мемлекеттік қызметтер автоматтандырылған.

    2) Қызметкерлердің біліктілігін арттыру жөніндегі іс-шаралар

    Мемлекеттік қызметтер көрсету саласында қызметкерлердің біліктілігін арттыру жөніндегі іс-шаралар жүргізілген жоқ.

    Мемлекеттік қызметтер көрсету сапасын бақылау

    1) Қызмет алушылардың шағымдары туралы ақпарат

    Есепті кезеңде қызмет берушілердің немесе лауазымды тұлғалардың қызметіне қатысты шағымдар түскен жоқ, мемлекеттік қызметтер көрсетуден негізсіз бас тарту фактілері тіркелмеген.

    2) Мемлекеттік қызметтер көрсету сапасына ішкі бақылау нәтижелері

    Мемлекеттік қызметтер көрсету сапасын және уақтылығын арттыру мәселелері тұрақты бақылауда, қызмет көрсету мерзімдері мен тәртібінің бұзылуына жол бермеу бойынша шаралар қабылданады.

 

 

Абай облысының табиғи ресурстар

және табиғат пайдалануды реттеу басқармасының басшысы                          Д. Тоқтыбаев

Дата публикации
14 апреля 2023