Облыс әкімі Берік Уәли «Еңбек жолы» конкурсының өңірлік кезеңінің жеңімпаздарын марапаттады. Салтанатты шараға байқауға қатысушылар, еңбек әулеттерінің өкілдері, түрлі сала мамандары мен жас қызметкерлер қатысты.
Биыл Абай облысы бойынша конкурсқа өтінім қабылдау 21 сәуір мен 1 тамыз аралығында жүргізілді. Осы кезеңде облыстың түрлі салаларында еңбек ететін азаматтардан 24 өтінім түсті. Байқау «Үздік еңбек әулеті», «Жұмыс істейтін жастардың үздік тәлімгері» және «Өндірістің үздік жас маманы» номинациялары бойынша ұйымдастырылды. Конкурстық комиссия шешімімен үш номинация бойынша өңірлік жеңімпаздар анықталды.
Аймақ басшысы еңбек адамына құрмет көрсету, кәсіби шеберлік пен ұрпақтар сабақтастығын дәріптеуде байқаудың маңызы зор екенін атап өтті.
«Мемлекет басшысы Қасым-Жомарт Кемелұлы Тоқаев еңбек культін ілгерілету, қарапайым еңбек адамдарына құрмет білдіру, адал еңбектің қадірін арттыру басты міндет екенін ерекше атап өткені баршаңызға белгілі. Осы орайда, еңбек адамының қоғамдағы мәртебесін арттыруға және еңбек өнімділігін ынталандыруға бағытталған «Еңбек жолы» конкурсының маңызы ерекше. Бүгін еңбегімен елге үлгі болып жүрген азаматтарды құрметтеп, оларды салтанатты түрде марапаттау үшін жиналып отырмыз. Әр салада мамандыққа адалдықтың шынайы үлгісін көрсетіп қана қоймай, кәсіби біліктілігімен көзге түсіп, өз ісінің қыр-сырын жетік меңгерген ерен еңбектеріңіз бар құрметке лайық. Мұның барлығы – Абай облысының дамуына қосылған нақты үлес деп білеміз», – деді Берік Уәли.
Аягөз қаласында тұратын Байғозовтар әулеті «Үздік еңбек әулеті» номинациясының өңірлік жеңімпазы болып танылды. Әулет мүшелерінің теміржол саласындағы жалпы еңбек өтілі 262 жылдан асады. Қажияхмет Байғозов – үлкен отбасының құрметті ақсақалы. Оның үлгісімен отбасының бірнеше ұрпағы өмірін теміржол саласымен байланыстырған.
«Менің зейнетке шыққаныма 35 жыл болды. Әкем теміржолшы еді. Әке жолын жалғап, мен де өмір бойы теміржол саласында еңбек еттім. Алты баламның бесеуі менің жолымды қуып, осы саланы таңдады. Жастарға айтарым – қандай мамандықты таңдасаңдар да, еңбектерің адал болсын. Адал еңбек қашанда абыройға жеткізеді», – деді Қажияхмет Байғозов.
«Жұмыс істейтін жастардың үздік тәлімгері» номинациясында Курчатов қаласынан Альмира Айдарханова жеңімпаз атанды. Ол «ҚР Ұлттық ядролық орталығы» РМК «Радиациялық қауіпсіздік және экология институты» филиалының мониторинг және экологиялық-талдамалық зерттеулер бөлімін басқарады. 200-ге жуық ғылыми жұмыс пен жарияланымның авторы және бірлескен авторы. Оның жетекшілігімен 7 магистрант магистрлік диссертация қорғап, 80-ге жуық ғылыми еңбек жариялаған.
«Өндірістің үздік жас маманы» номинациясының жеңімпазы – Семей қаласынан Айбол Тыныштықов. Ол еңбек жолын «Семей автоқұрастыру зауытында» трактор құрастыру желісінің слесарь-жинаушысы болып бастаған. Өндірісте жинақтаған тәжірибесі мен кәсіби біліктілігінің нәтижесінде 2025 жылдың ақпан айында техникалық бөлімге инженер-технолог қызметіне ауыстырылды.
Шара барысында байқауға белсенді қатысқан еңбек әулеттеріне, тәлімгерлер мен жас мамандарға құрмет көрсетілді. Өңірлік кезеңде жеңімпаз атанған үш қатысушы республикалық деңгейдегі іріктеу кезеңіне қатысады.
Өңірде халықты тұрақты жұмыспен қамту және азаматтардың кәсіпкерлік бастамаларын қолдау бағытындағы жұмыстар жалғасуда. Биыл Өңірлік жұмыспен қамту картасы аясында 13 324 адамды жұмыспен қамту жоспарланған. Жыл басынан бері 14 мыңға жуық азамат жұмысқа орналастырылды. Әлеуметтік осал санаттағы 97 азаматқа жаңа бизнес-идеяларын жүзеге асыру үшін 1 млн 730 мың теңгеден қайтарымсыз грант берілді. Еңбек нарығындағы сұранысқа сәйкес 234 азамат кәсіптік оқуға жолданып, оның 145-і оқуын аяқтап, жұмысқа орналасты.
Абай облысының жұмыспен қамту және әлеуметтік бағдарламаларды үйлестіру басқармасы «Қазақстан Республикасына шетелдік жұмыс күшін тартуға арналған квотаны белгілеу және оны облыстар, республикалық маңызы бар қалалар, астана арасында бөлу қағидаларын бекіту туралы» Қазақстан Республикасы Премьер-Министрінің орынбасары-Еңбек және халықты әлеуметтік қорғау министрінің 2023 жылғы 30 маусымдағы № 274 бұйрығының 6-тармағына сәйкес «.....жұмыс берушілер жыл сайын 1 қазанға дейін шетелдік жұмыскерлердің еңбек қызметін жүзеге асыруы көзделетін облыстардың, республикалық маңызы бар қалалардың, астананың жергілікті атқарушы органдарына (бұдан әрі–жергілікті атқарушы органдар) осы Қағидаларға 1-қосымшаға сәйкес нысан бойынша жұмыс берушілердің шетелдік жұмыс күшін тартуға арналған өтінімдерін ұсынады. Бірден астам әкімшілік-аумақтық бірлік қолданылатын шетелдік жұмыс күшін тартуға рұқсат алу үшін, жұмыс берушілер шетелдік жұмыс күшін жұмысқа орналастыру орны бойынша тиісті жергілікті атқарушы органдарға жұмыс берушілердің шетелдік жұмыс күшін тартуға арналған өтінімдерін ұсынады» 2027 жылға шетелдік жұмыс күшін тартуға өтінім беру қажеттілігі туралы хабарлайды.
2027 жылға жұмыс берушінің шетелдік жұмыс күшін тартуға арналған өтінім келесі талаптарға сай болуы тиіс:
аты (болған жағдайда), заңды мекенжайы, БСН/ЖСН, электрондық пошта мекенжайы, телефон нөмірі, жауапты тұлғаның байланыс деректері көрсетілген ілеспе хатпен (бірінші басшының қолымен және мөрімен расталған (болған жағдайда), шығыс нөмірі мен шығыс күнімен) жолданады;
Осыған орай, 2027 жылға жұмыс берушінің шетелдік жұмыс күшін тартуға арналған өтінімін сканерленген және электрондық форматта g.akimbaeva@akimatabai.gov.kz электрондық поштаға 1-қосымшаға сәйкес 2026 жылғы 1 қазанға дейін жолдауды сұраймыз.
Қағаз нұсқасын «Абай облысының жұмыспен қамту және әлеуметтік бағдарламаларды үйлестіру басқармасы» ММ (№ 313 кабинет) Абай облысы, Семей қаласы, Алаш Қозбағаров көшесі, 40 мекенжай бойынша (жұмыс графигі: демалыс және мереке күндерін қоспағанда, дүйсенбіден жұмаға дейін сағат 9.00-ден 18.30-ға дейін, түскі үзіліс сағат 13.00-ден 14.30-ға дейін) ұсыну қажет. Өтінімдер жұмыс уақытында 2026 жылғы 30 қыркүйектің сағат 18.30 – ға дейін қабылданады.
Байланыс деректері: 8 (7222) 36-01-58, 87478298101, g.akimbaeva@akimatabai.gov.kz.
«Абай облысының жұмыспен қамту және әлеуметтік бағдарламаларды үйлестіру басқармасы» ММ сыбайлас жемқорлық тәуекелдеріне ішкі талдау нәтижелеріне жария талқылаудың басталғаны туралы хабарлайды.
Көпшілік тыңдаулар 2026 жылғы 11 тамызда сағат 16.00-де Абай облысы, Семей қаласы, Қозбағаров көшесі, 40 мекенжайы бойынша өтеді.
Бүгінгі таңда халықаралық қылмыстық топтар жұмыс іздеу үшін цифрлық технологияларды, әлеуметтік желілерді және интернет-платформаларды белсенді қолданады. Жоғары ақы төленетін жұмыс орындарының атын жамылып, адамдарды жаңылыстырады, бас бостандығынан айырады және заңсыз әрекеттерге қатысуға мәжбүрлейді.
Қанаудың бұл түрі трансұлттық ұйымдасқан қылмыстың ең тез таралатын қауіптерінің біріне айналуда. Адам саудасының құрбандары әр түрлі жастағы, кәсіптегі және білім деңгейіндегі адамдар болуда.
Қазіргі заманғы адам саудасы тек жыныстық қанау немесе мәжбүрлі жұмыс емес. Барған сайын адамдарды алаяқтық, киберқылмыс, заңсыз көші-қон, есірткі саудасы, ұрлық және басқа да қылмыстарға қатысуға мәжбүрлейді.
Сондықтан алдын-алу қылмыстың осы түріне қарсы тұрудың ең тиімді құралдарының бірі болып қала береді.
Адам саудасына қарсы іс – қимыл жөніндегі халықаралық күш-жігерді қолдау мақсатында Қазақстан Республикасы Ішкі істер министрлігі 2026 жылғы 24-30 шілде аралығында «Адам саудасы – ауыр қылмыс!» атты республикалық ақпараттық науқан өткізеді.
Науқанның басты мақсаты – қоғамның назарын ұйымдасқан қылмыстың осы қауіпті түріне аудару, халықтың құқықтық сауаттылық деңгейін арттыру, адамдарды тартудың заманауи тәсілдері және зардап шеккендерді мемлекеттік қорғау шаралары туралы айту.
Науқанға мемлекеттік, жергілікті атқарушы органдар, полиция бөлімшелері, халықаралық және үкіметтік емес ұйымдар қатысады. Апта ішінде бүкіл ел бойынша халықпен кездесулер, құқықтық консультациялар, профилактикалық материалдарды тарату және адам саудасының алдын алуға бағытталған басқа да науқандар өтеді.
Қазақстан Республикасы Ішкі істер министрлігі азаматтарды жұмысқа орналасу туралы ақпаратты мұқият тексеруге шақырады, әсіресе ол ақпарат шетелде жұмыс істеу туралы болса, құжаттарды бейтаныс адамдарға бермеуге, күмәнді ұсыныстарға келіспеуге және адам саудасының ықтимал жағдайлары туралы құқық қорғау органдарына хабарлауға шақырады.
Әрбір адам қырағылық таныту, сенімді ақпарат тарату және қиын өмірлік жағдайға тап болғандарды қолдау арқылы бұл қылмыстың алдын алуға үлес қоса алады.
Адам саудасы қазіргі заманның маңызды сын-қатері болып қала береді, алайда мемлекеттің, қоғамның және әрбір азаматтың бірлескен күш-жігерімен адамның қадір-қасиетін, бостандығын және әрбір адамның қауіпсіз өмір сүру құқығын қорғауға болады.
Жыл сайын 30 шілдеде Біріккен Ұлттар Ұйымының бастамасымен Дүниежүзілік адам саудасына қарсы күрес күні атап өтілетінін айта кету керек.
Биыл ол қанаудың жаңа түрі адам саудасының құрбандарын ең алдымен онлайн-алаяқтық саласында қылмыс жасауға мәжбүрлеу нысанына назар аударуға арналған «Алаяқтық тұзағында» ұранымен өтеді.
Адам саудасы – ауыр қылмыс. Бей-жай қарамаңыз.
Абай облысының жұмыспен қамту және әлеуметтік бағдарламаларды үйлестіру басқармасы Қазақстан Республикасының 2022-2026 жылдарға арналған сыбайлас жемқорлыққа қарсы саясатын іске асыру мақсатында 2026 жылғы 13 маусым мен 13 тамыз аралығында сыбайлас жемқорлық тәуекелдеріне ішкі талдау жүргізуді жоспарлап отырғанын хабарлайды.
Аталған шара сыбайлас жемқорлық тәуекелдерін болдырмауға бағытталған профилактикалық жұмыстың бір бөлігі болып табылады. Талдаудың негізгі мақсаты сыбайлас жемқорлық тәуекелдерін, олардың туындауына ілеспе жағдайлар мен себептерді анықтау және барынша азайту болып табылады. Егер сізде Басқарма қызметінде болуы мүмкін сыбайлас жемқорлық құқық бұзушылықтарға қатысты ақпарат болса, оны a.doulbaeva@akimatabai.gov.kz электрондық поштасына жіберуді сұраймыз.
Цифрлық сервистерді жетілдіру және көрсетілетін қызметтердің сапасын арттыру мақсатында Aleumet әлеуметтік қызметтер порталында техникалық оңалту құралдарын алушыларға арналған онлайн-сауалнама іске қосылды.
Сауалнама мүгедектігі бар адамдардан техникалық оңалту құралдарының құны, қосымша төлем мөлшері және оларды Әлеуметтік қызметтер порталы арқылы сатып алу қолайлылығы мәселелері бойынша кері байланыс алуға бағытталған.
Сауалнама нәтижелері ағымдағы жағдайды талдау және мүгедектігі бар адамдарды техникалық оңалту құралдарымен қамтамасыз ету тетіктерін одан әрі жетілдіру бойынша ұсыныстар әзірлеу үшін пайдаланылатын болады. Сонымен қатар, Мүгедектігі бар адамдарды әлеуметтік қорғау порталында (inva.gov.kz) әлеуметтік, көлік және өзге де инфрақұрылым объектілерінің қолжетімділігін бағалауға арналған онлайн-сауалнама (өзін-өзі бағалау құралы) іске асырылды. Аталған құрал объект иелері мен өкілдеріне өз объектісінің мүгедектігі бар адамдар мен халықтың басқа да жүріп-тұруы шектеулі топтары үшін қолжетімділік деңгейін өз бетінше бағалауға мүмкіндік береді. Сауалнаманы аяқтау нәтижесінде объектінің қолжетімділігін арттыру және анықталған кедергілерді жою жөніндегі ұсынымдарды қамтитын есеп автоматты түрде қалыптастырылады.
Техникалық оңалту құралдары бойынша сауалнамадан қазақ тілінде өту үшін:
https://aleumet.egov.kz/survey
Қолжетімділік бойынша қазақ тіліндегі өзін-өзі бағалау сауалнамасына сілтеме: https://inva.gov.kz/assessment/general-info/?lang=kk
Абай облысында 6,2 мыңнан астам адам жұмыспен қамтылды
Абай облысында халықты жұмыспен қамту бағытындағы жұмыстар нәтижесін беруде. 2026 жылғы 3 маусымдағы жағдай бойынша өңірде 6201 адам жұмысқа орналастырылды.
Оның ішінде 3664 азамат тұрақты, 2537 адам уақытша жұмыс орындарына орналасқан. Өңірлік жұмыспен қамту картасы аясындағы 46 инфрақұрылымдық жоба бойынша 374 адам еңбекке тартылды, ал 2184 адам субсидияланатын жұмыс орындарына жіберілді.
Сонымен қатар Мемлекет басшысының жаңа жұмыс орындарын құру жөніндегі тапсырмасы аясында 1425 адам жаңадан ашылған кәсіпорындарға жұмысқа орналасты. Кәсіпорындар мен ұйымдардағы бос жұмыс орындары арқылы тағы 2218 азамат еңбекпен қамтылды.
Бас прокуратураның Құқықтық статистика және арнайы есепке алу
жөніндегі комитетінің Қоғамдық қауіпсіздік пен қылмыстық қауіп-қатерлерді
болжау орталығы бұлттық сервистерді пайдаланушыларға бағытталған
интернет-алаяқтықтың жаңа схемасы туралы ескертеді.
Шетелдік дереккөздердің мәліметтері бойынша
(https://www.theguardian.com/money/2026/apr/12/apple-icloud-storage-scam-emails, https://lenta.ru/news/2026/04/13/apple-scam/, https://www.obozrevatel.com/ekonomika- glavnaya/economy/moshenniki-atakuyut-vladeltsev-iphone-kak-dejstvuet-novaya-shema.htm)
алаяқтар iPhone пайдаланушыларына iCloud бұлттық қойманың толып
кеткені туралы жалған электрондық хаттар, SMS-хабарламалар және
хабарландыруларды жаппай таратуда.
Хабарламаларда аккаунттың бұғатталатыны және фотосуреттер,
бейнелер мен құжаттардың жойылуы мүмкін екені көрсетіледі.
Бұл хабарламалар бұлттық платформаларды қоса алғанда танымал
сервистердің, ресми ескертулерін толықтай қайталайды, бұл олардың
шынайы екеніне сенім тудырып, пайдаланушыны әрекет жасауға
итермелейді.
Шұғылдық әсерін күшейту үшін пайдаланушыларға сілтеме арқылы
өтіп, сақтау көлемін ұлғайту, төлем деректерін жаңарту немесе
қолжетімділікті қалпына келтіру ұсынылады.
Сілтемені басқан кезде ықтимал құрбандар түпнұсқа сервистерді
көшіретін фишингтік сайтқа түседі, онда енгізілген логиндер, құпиясөздер
және банк деректері киберқылмыскерлердің қолына түседі.
Осындай жолмен түрлі бұлтты сақтау сервистері (Google Drive, Mail.ru
бұлты, Яндекс Диск және т.б.) туралы хабарламалар жіберілуі мүмкін.
Қауіп-қатердің осы түрі тарала бастағанын ескере отырып, ескере
отырып, мыналар ұсынылады:
- SMS, электрондық пошта және мессенджерлердегі «шұғыл»
хабарламалардағы сілтемелерге өтпеу;
- бұлттық қойманың жағдайын тек ресми қосымшалар немесе сайттар
арқылы тексеру;
- бөгде парақшаларда логиндер, құпиясөздер және банк деректерін
енгізбеу;
- барлық бұлттық және пошталық аккаунттарда екі факторлы
аутентификацияны қосу;
- әртүрлі сервистер үшін бірегей және күрделі парольдерді пайдалану;
- бұзып кіру күдігі болған жағдайда дереу құпия сөзді ауыстырып,
барлық белсенді сессияларды аяқтау қажет.
Сақ болыңыз: деректердің жойылуы немесе аккаунттың
бұғатталуы туралы кез келген хабарламаны тек ресми сервистер
арқылы тексеріңіз.
Абай облысының Жұмыспен қамту және әлеуметтік бағдарламаларды үйлестіру басқармасының тапсырысы бойынша үкіметтік емес ұйымдарға арналған қысқа мерзімді гранттар конкурсы басталды.
Қысқа мерзімді грант саны: 2
Біз төмендегі басым бағыттар бойынша жобаларды жүзеге асыруға дайын үкіметтік емес ұйымдарды іздейміз:
- Қоғамдық өмірге тарту бойынша жұмыстар көрсету, біліктілікті арттыруға жәрдемдесу, көп балалы және аз қамтылған отбасылардың, сондай-ақ мүгедектігі бар адамдардың кәсіпкерлік бастамаларын дамыту;
⏳ Өтінімдерді қабылдау мерзімі: 27 наурыз бен 16 сәуір аралығы, сағат 18:30-ға дейін
Өтініштерді қабылдау:
📧 Электрондық пошта: abaioblysy@cisc.kz
🏢 Немесе қағаз түрінде: Астана қ., Қабанбай батыр даңғ., 11/5 ғимарат, 5-қабат, 504/1-кабинет, сағат 9:00–18:30 арасында жүзеге асады.
✅ Конкурсқа тек ҮЕҰ деректер базасына тіркелген ұйымдар қатыса алады.
💻 Толығырақ ақпарат пен жобаларға қойылатын талаптарды мына сайттан қараңыз: https://cisc.kz/
→ «Гранттар» → «Гранттар туралы хабарландырулар».
☎️ Байланыс:
+7 (702) 984 98 06
+7 (7172) 79 04 31
+7 (7172) 79 08 07