Ұлттық киім – ұлттық келбет

«Семей қаласының орталықтандырылған кітапхана жүйесі» КММ-нің Балалар және жасөспірімдер кітапханасының қызметкерлері «Қуаныш» балабақшасының даярлық тобы балаларының қатысуымен Ұлттық сезім жобасы аясында «Ұлттық киім – ұлттық келбет» атты шеберлік сағаты өткізді.

Іс-шара барысында кітапхана қызметкері балаларды қазақ ұлттық киімінің тарихымен, ерекшеліктерімен және мәдени маңызымен, сондай-ақ қыздардың дәстүрлі шаш үлгілері, бұрымдарымен таныстырды. Ұлттық костюм элементтерінің символикасына және олардың халықтың мәдени бірегейлігін сақтаудағы рөліне ерекше назар аударылды.

Әрі қарай бейне-тұсаукесер көмегімен әр түрлі тарихи кезеңдердегі дәстүрлі киім үлгілері, оларға тән ерекшеліктері мен сәндік элементтері көрсетілді.

Шеберлік сағаты барысында балалар кітапханашының жетекшілігімен ұлттық киім үлгілерінің бейнелерін жасап, оларды түрлі-түсті қағаздан жасалған дәстүрлі өрнектермен безендірді.

Іс-шара қорытындысында қатысушыларға қазақ халқының мәдениеті мен әдет-ғұрыптарына байланысты ертегілер мен аңыздар ұсынылып, қазақ ұлттық киіміне, дәстүрлері мен қолөнеріне арналған кітаптар таныстырылды.