Террористік қауіптердің алдын алу және қауіпсіздік шараларын күшейту мәселелері қаралды

Абай облысы, Семей қаласы әкімдігі аппаратының мәжіліс залында террористік тұрғыдан осал объектілердің терроризмге қарсы қорғалуын қамтамасыз етуге арналған профилактикалық сабақ өткізілді.

Іс-шараға прокуратура, арнайы мемлекеттік және құқық қорғау органдарының өкілдері, білім беру, денсаулық сақтау ұйымдарының басшылары мен қызметкерлері, сондай-ақ басқа да мемлекеттік мекемелердің өкілдері қатысты.

Сабақ барысында террористік тұрғыдан осал объектілерді қорғау талаптары, интернет-алаяқтықтың алдын алу, терроризм қатерлерінің негізгі түрлері және төтенше жағдай кезіндегі іс-қимыл алгоритмдері түсіндірілді.

Іс-шараның мақсаты – объектілердің қауіпсіздігін күшейту, терроризм актілерінің алдын алу және ықтимал қауіп-қатерлерге дайындық деңгейін арттыру.