Террористік қауіптердің алдын алу және қауіпсіздік шараларын күшейту мәселелері қаралды

Абай облысы Семей қаласы әкімі аппаратының мәжіліс залында террористік тұрғыдан осал объектілердің терроризмге қарсы қорғалуын қамтамасыз ету мәселелеріне арналған профилактикалық сабақ өтті.

Іс-шараның мақсаты – объектілердің қауіпсіздігін арттыру, терроризм актілерінің алдын алу және ықтимал қауіп-қатерлерге дайындық деңгейін күшейту.

Сабаққа кәсіпкерлік субъектілерінің, тіршілікті қамтамасыз ету ұйымдарының, мәдениет, спорт нысандарының, туристерді орналастыру орындарының және діни объектілердің басшылары мен күзет қызметтерінің өкілдері қатысты.

Іс-шара барысында ұшқышсыз ұшу аппараттарын терроризм мақсатында пайдалану, кибершабуылдар, пошта қызметтерін заңсыз қолдану, сондай-ақ жаппай тәртіпсіздіктер мен стратегиялық нысандарға төнетін террористік қауіптер қарастырылды. Қатысушыларға қауіптердің алдын алу шаралары мен төтенше жағдайлар кезіндегі іс-қимыл алгоритмдері түсіндірілді.