Кітапханағы балалардың жазғы демалысы

Жазғы демалыс - балалардың бос уақытын тиімді өткізіп, шығармашылық қабілеттерін дамытуға қолайлы кезең. Осы орайда «Семей қаласының орталықтандырылған кітапхана жүйесі» КММ-нің №6, №12, Балалар және жасөспірімдер кітапханасының қызметкерлері кітапханада жазғы демалыс бағдарламасын ұйымдастырып, балаларға түрлі танымдық және қызықты іс-шаралар өткізді.

Іс-шараның басты мақсаты – балалардың кітап оқуға деген қызығушылығын арттыру, шығармашылық ойлау қабілетін дамыту және жазғы демалысты мазмұнды өткізуге ықпал ету.

Бағдарлама аясында балалар кітап оқып, ертегілер мен әңгімелерді талқылады, әдеби викториналарға, зияткерлік ойындарға, сурет салу және қолөнер шеберлік сағаттарына қатысты. Сонымен қатар, кітап көрмелеріндегі жаңа кітаптармен танысты.

Кітапханада жазғы демалыс қызықты әсерлерге толы болып, қатысушыларға ұмытылмас естеліктер сыйлап, балалардың жаңа достар тауып, қызықты әрі пайдалы уақыт өткізуіне жағдай жасады.

Қалалық орталық кітапхана