«Таза Қазақстан»: Ертіс ауылдық округінде тазалық жұмыстары жүргізілді

​Мемлекет басшысының бастамасымен қолға алынған «Таза Қазақстан» республикалық экологиялық акциясы аясында Ертіс ауылдық округінде кезекті тазалық шарасы өтті.
​Акция барысында:
 Мұқыр ауылының кіреберіс тас жолы;
 Облыстық маңызы бар Семей-Курчатов тас жолының 7-9 шақырым аралығындағы жол жиектері қоқыстан тазартылды.
​Игі іске ауылдық округ әкімдігінің, клуб пен кітапхананың қызметкерлері біркісідей жұмылып, белсенді атсалысты. Біздің мақсатымыз — туған өлкеміздің тазалығын сақтап, экологиялық мәдениетті қалыптастыру.