2025 жылдың 27 шілдедегі Жаңасемей ауданы әкімінің сайлауы өтті.
Жаңасемей ауданының аумақтық сайлау комиссиясы «Қазақстан Республикасындағы сайлау туралы» Қазақстан Республикасы Конституциялық заңының 14-бабының 9) тармақшасына, 44-бабының 2-тармағына, 45-бабына, 113-10-бабына сәйкес, учаскелік сайлау комиссияларының Абай облысы Жаңасемей ауданының әкімін сайлау нәтижелері туралы хаттамасының негізінде, сайлау қорытындыларын белгіледі:
Сайлаушылар тізіміне сайлау округі бойынша 11462 азамат енгізілді, олардың 8 126-і дауыс берді. Жарамсыз бюллетеньдер саны – 89, «Барлығына қарсымын» жолында белгісі бар – 327.
Әр кандидат үшін берілген дауыстар саны:
Әбдікәрімов Н.О. – 6138; Жанаков А.М. – 442; Жолдахмет Б.С. – 422, Сыздыханова Г.А. - 708.
Абай облысы Жаңасемей ауданының әкімі болып Әбдікәрімов Нұржан Оразбекұлы сайланды, 1971 жылы туған, «Абай облысы Жаңасемей ауданы әкімінің аппараты» мемлекеттік мекемесі әкімінің кеңесшісі, Семей қаласында тұрады, «Amanat» партиясымен ұсынылған.
Жаңасемей ауданының аумақтық сайлау комиссиясы