2025 жылғы 20 мамырдан бастап «Электрондық еңбек биржасы» (enbek.kz) порталында жазғы уақытта жұмыс істегісі келетін 14 пен 18 жас аралығындағы жасөспірімдерге арналған «Менің жазғы демалысым» атты арнайы бөлім жұмыс істей бастады.
Бұл бөлім оқушылар мен студенттерге жазғы демалысты тиімді өткізіп қана қоймай, алғашқы еңбек тәжірибесін жинауға және еңбек дағдыларын дамытуға мүмкіндік береді.
Жас ізденушілер үшін порталдың мүмкіндіктері мен кәмелетке толмағандар үшін бос жұмыс орындарын іздеу қауіпсіздігі қалай қамтамасыз етілетіні туралы «Білу маңызды» жобасының жаңа шығарылымында айтатын боламыз.