Айлық есептік көрсеткіш (АЕК) 3 932 теңге болады.
Ең төменгі жалақы (ЕТЖ) – 85 000 теңге.
Ер адамдар 63 жасында, ал әйелдер 61 жасында зейнетке шығады. Мемлекеттік базалық зейнетақы төлемінің ең төменгі мөлшері – 32 360 теңге. Зейнетақының ең төменгі мөлшері – 62 771 теңге.
Негізгі әлеуметтік төлемдерді есептеу үшін өмір сүру деңгейінің мөлшері – 46 228 теңге.
Жәрдемақылар 1, 2, 3 баланың тууына байланысты жәрдемақы 140 296 теңгеден 149 416 теңгеге, 4 және одан да көп баланың тууына байланысты жәрдемақы 232 596 теңгеден 247 716 теңгеге өседі;
көп балалы отбасыларға арналған жәрдемақы, оның мөлшері балалар санына байланысты, 4 баласы бар отбасылар үшін 59 183 теңгеден 63 030 теңгеге, 10 баласы бар отбасылар үшін 147 680 теңгеден 157 280 теңгеге артады;
І топтағы мүгедектігі бар адамдарға арналған жәрдемақы 95 496 теңгеден 101 702 теңгеге, ІІ топтағы мүгедектігі бар адамдарға 76 397 теңгеден 81 362 теңгеге, ІІІ топтағы мүгедектігі бар адамдарға 52 089 теңгеден 55 474 теңгеге артады.
Төлемдер Сонымен қатар, асыраушыны жоғалту және еңбекке қабілеттілікті жоғалту бойынша төлемдер 6,5%-ға артатын болады. Бұл төлемдер міндетті әлеуметтік сақтандыру жүйесіне қатысушыларға мемлекеттік жәрдемақылардан бөлек беріледі.
Төлемдердің мөлшері жеке болып табылады және мына факторларға байланысты:
соңғы 2 жылда міндетті әлеуметтік сақтандыруға аударымдар жасалған орташа айлық табыс,
еңбекке қабілеттілікті жоғалту коэффициенттері,
асырауындағы адамдардың саны,
міндетті әлеуметтік сақтандыру жүйесіне қатысу өтілі мен табысты алмастыру.
«7-20-25» ипотекалық бағдарламасы Бағдарламаның жаңартылған ережелеріне сәйкес, әскери қызметшілерге негізгі борыш пен қарыз бойынша сыйақыға қызмет мерзімі бойы және қызмет аяқталғаннан кейін 60 күнге дейін кейінге қалдыру ұсынылады.
Сондай-ақ қарыз алушы мен оның жұбайында соңғы 18 айда Қазақстан аумағында жеке меншікте баспананың болмауы талап етіледі, жатақханалардағы 15 м²-ден аз пайдалы алаңы бар бөлмелер мен апатты үйлерді қоспағанда. Бағдарлама бойынша берілетін қарыздардың шарттары бұрынғыша қалады: бастапқы жарна 20%-дан, 7% жеңілдетілген мөлшерлемемен 25 жылға дейін.
Такси Барлық таксистер ресми тасымалдаушы ретінде тіркеледі.
Жаңа нормалар заңнамалық тұрғыда жеке тұлға такси тасымалдауларымен заңды түрде айналысу үшін әкімдікке хабарлама жіберіп, ресми тасымалдаушылар тізіліміне енгізілуі мүмкін екенін бекітеді. Таксиге қойылатын талаптардың сақталуына және тізілімге енгізілген жеке тұлғаларға бақылауды мобильді қосымша операторы қамтамасыз етеді.
Сондай-ақ такси ретінде оң жақ рөлді көліктерді пайдалануға тыйым салынады.
Санитарлық кітапшалар Енді санитарлық кітапшалар қазақстандықтар үшін онлайн беріледі. Бұл азаматтарға медициналық тексеруден өту уақытын қысқартуға мүмкіндік береді, сондай-ақ терапевтке қайта барудың қажеті жоқ, жұмысқа жіберу штамын алу үшін.