«Шоқтығы биік Абай мен Шәкәрім шығармалары – мәңгілік мұра”  тақырыбында семинар

2023 жылдың 12 сәуір күні «Шәкерім атындағы орта мектебі»КММ  педагогикалық ұжымының ұйымдастыруымен «Шоқтығы биік Абай мен Шәкәрім шығармалары – мәңгілік мұра”  тақырыбында семинар  өткізілді. Мақсаты: Абай, Шәкәрім шығармаларын оқу үдерісіне заманауи тұрғыдан енгізе отырып, рухани  кемелденген ұрпақ тәрбиелеу. Семинар барысында тәжірибелі мұғалімдердің, атап айтсақ, Қ.Қасымжан «Абайдың өмірі мен шығармашылығы» практикалық сабақ, К.Турысбекова Абай Құнанбайұлы: «Жазғытұры» интеграциялық сабақ,  М.Абылхаева  «Шәкәрім және химия» интеграциялық сабақ, Э.Ерденбекова «Шәкәрім және математика» ғылыми -инновациялық сабақ, Н.Рахат, С.Сағынбеков  «Жаңашыл ұстаз – заманауи мектеп» коучинг, Е.Айтқалиев, Г.Қаблетқызы «Абай мен Шульманның көзқарастары» дебат, Р.Тізгінбай, Г.Мұқанқызы «Абай мен Шәкәрімнің рухани қазынасын оқушының бойына сіңіру» дөңгелек үстел, Н.Уалиева , А.Салқынбаева, Г.Мұқанова  “Ғылыми жоба өзегі -Шәкәрім”  дарындылықпен жұмыс,  Л.Балтиева «Шоқтығы биік Абай мен Шәкәрім шығармалары-мәңгілік мұра» экологиялық кеш  әдістемелік озық  үлгідегі  шаралары  көрсетіліп,  инновациялық әдіс-тәсілдері  мектептер тәжірибесінде жетілдіруге тиіс тың бастамашылдығымен  ерекшеленді.  Семинар соңында аудандық білім бөлімінің әдістемелік кабинеті мамандары   аталған ұжымның  табысты педагогикалық  еңбегін бағалай келе,  ұстаздық еңбектеріне  зор шығармашылық табыстар  тіледі.