Меню
Ауыл шаруашылығы және кәсіпкерлік саласы бойынша
Биылғы қыстамаға 8977 бас ірі қара малы, 16348 бас қой, 3355 бас ешкі, 3526 бас жылқы, 192 бас түйе кірді. Мал ұрлығын болдырмау, алдын-алу мақсатында жұмыстар ұйымдастырылуда. Жол бойында орналасқан шаруа қожалықтарындағы ірі қара малдарына жарқырауық белгі тағу жұмыстары жүргізілді. Мал бағымы биылғы жылы бақташы табылмағандықтан кезекпен ұйымдастырылуда. 11 мамыр күні осы жол бойына шығатын мал бағымы жөнінде бөлшек жиналыс өтті. Арнайы кесте бойынша жол бойына жайылған малдар арнайы орынға қамалып, мал иелеріне ескерту жасалды.
Бүгінгі күні жастарға арналған 2,5 пайыздық несие бойынша 4 адам ниет білдіріп, 2 адам бизнес-жоспарын қорғап, несие алып кәсіпкерлігін дамыту бағытында жұмыстар атқармақшы.
Әр сенбі сайын Семей қаласында ауылшаруашылық жәрмеңкесіне ауылымыздың шаруа қожалықтары өзінің ет өнімдерін сатуды ұйымдастырып отыр.