Меню
Әлеуметтiк сала бойынша: Салық және бюджетке төленетін басқа да төлемдердің уақытында төленуі басты назарда ұсталуда. Мүлік, жер салығы толықтай төленді, көлік салығы 95 пайызға орындалды.
Ауыл тұрғындарын жұмыспен қамту мақсатында бағдарлы жұмыстар ұйымдастылды: «Еңбек» бағдарламасы бойынша 1 жылда 14 адам қоғамдық жұмысқа тартылу қажет болса, бүгінгі күні 14 адам тартылды, 2 адам жастар практикасына жұмысқа қабылданды. 3 адам кәсіптік оқу оқып бітірді.10 адам тікелей жұмысқа алынды. Халық арасында әлеуметтік жағдайларға байланысты түсініктеме жұмыстары жүйелі жүргізіліп келеді.
Ауылдық округ тұрғындары мерзімді баспасөзге толықтай жазылды. Осы орайда айта кететін жай «БАСТ» АҚ-ның демеушілігімен ауданымыздың «Абай елі» газетіне 100 данаға жазылуға (400 000 теңге) демеушілік жасап, бүгінгі күні аз қамтамасыз етілген, көп балалы отбасыларға, қарт адамдарға газет тегін таратылуда. Қасиетті «Рамазан айында» БАСТ АҚ-ның демеушілігімен ауылымыздағы көп балалы, аз қамтылған 20 отбасына азық-түлік себеті таратылды (300 000 теңге). Ауылымыздың «Махаббат» дүкенінде «Әлеуметтік бұрыш» ашылып, мекеме жұмысшы-қызметкерлері, кәсіпкерлер қайырымдылық жасап аз қамтамсыз етілген отбасыларына қажетті азық-түліктер қойылып 1 отбасына берілді (15 000 теңге).
5 шілде күні ауылда салынып жатқан көп балалы және аз қамтамасыз етілген отбасыларына арналған екі пәтерлі тұрғын үйлердің құрылысын қадағалау мақсатында объектілер мен кешендердің мониторингін жүргізу тобы тексеру-қадағалау жұмыстарын жүргізді.