Құрылыс
Ауылымызда әлеуметтік осал топқа жатқан отбасыларға материалдық, әлеуметтік қолдау шаралары жүйелі өтіп тұрады.
2025 жылдың шілде айында Қарауыл ауылы бойынша 18 отбасына атаулы әлеуметтік көмек тағайындалды. Сондай-ақ арнайы оқу орындарын бітірген жас мамандар «Алғашқы жұмыс орны», «Жастар практикасы», «Ұрпақтар келісімшарты» бағдарламалары бойынша жұмысқа орналасуда.
Ауылымыздың тұрғындары тарапынан қайырымдылық акцияларды өткізу шаралары кең көлемде қолға алынып жүр.
Қарауыл ауылында дүниеге келген үлкенді-кішілі азаматтар мен азаматшалар белсенділік танытып «Ел Аманаты» және «Абай жомарт жастары» атты қайырымдылық қорларын құрып мұқтаж жандарға әр түрлі деңгейдегі материалдық қолдаулар жасап келеді.
Аз қамтылған отбасыларына ауыл азаматтары және кәсіпкерлер тарапынан азық-түліктен көмектер көрсетілді. Ауылдағы дүкендерде әлеуметтік бұрыштар ашылған. Сол арқылы аз қамтылған, көп балалы отбасылар тегін азық-түлік алып отыр. Сондай-ақ арзан бағада жәрмеңке ұйымдастырылып, тұрақтандыру қорынан көкөністер әкелініп сатылды. Көктемгі тазалық жұмыстарына орай арзан бағада әртүсті бояулар сату мақсатында, жәрмеңке ұйымдастырылды.