«Таза Қазақстан» республикалық экологиялық бағдарламасын іске асыру аясында, Курчатов қаласының аумағын абаттандыру, көгалдандыру, санитарлық жағдайын жақсарту, қолайлы экологиялық жағдай құру және халықтың тұруына қолайлы жағдайлар жасау мақсатында, Курчатов қаласының аумағын санитарлық тазарту және абаттандыру бойынша іс-шараларды өткізу туралы Курчатов қаласы әкімінің 2025 жылғы 26 наурыздағы №45/1 қаулысы шығарылды.
Осы қаулыға сәйкес, 2025 жылғы 05 сәуір мен 07 маусым аралығында қала аумағында санитарлық тазарту, абаттандыру және көгалдандыру бойынша екі айлық сенбілік іс-шаралар кешені өткізіледі.
Екі айлық сенбілік аясында келесі іс-шаралар көзделген:
* көшелерді, мекемелердің, жеке аулалар мен сауда нысандарының аумақтарын санитарлық тазарту;
* тарихи-мәдени мұра нысандарының аумақтарын абаттандыру;
* жасыл желектерді әктеу;
* 3000 ағаш пен гүл отырғызу;
* тыл ардагерлерінің аулаларын санитарлық тазарту;