Нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған бағдарламасы аясында ақылы қоғамдық жұмыстарға 93 адам тартылды, «Жастар іс тәжірибесіне» 4 адам жіберілді. Бүгінгі күнге 19 адам 81,5 млн. теңгеге несие алды.
2020 жылдың 1 маусым айына атаулы әлеуметтік көмек 190 отбасына (965 алушыға) 36,5 млн. теңге тағайындалды. Тұрғын үй көмегі 14 отбасына 400,8 мың теңге тағайындалды. Жылдың басынан аз қамтылған 7 отбасына 215,0 мың теңгеге материалдық көмек жасалды.
Бүгінгі күнге мүгедектер үшін 12 объекті жартылай бейімдеуден (пандус орнату) өткізілді. 4 адам мүгедектік арбамен, 8 адам тифло-сурдотехникалық құралдармен, 26 адам гигиеналық құралдармен қамтамасыз етілді. 17 зейнеткер «Уба» - «Усть-Таловка» шипажайларында емделіп келді.
Еңбекке қабілетті 1 мүгедек жұмыспен қамтылды, 10 мүгедек ақылы қоғамдық жұмыстарға жіберілді.
Жалғызбасты 6 адамның құжаттары ресімделіп, Самардағы Қарттар үйіне орналастырылды.
«Көкпекті ауданының арнаулы әлеуметтік қызмет көрсету орталығында» 220 жалғызбасты және мүгедектерге қызмет көрсетіледі. Оның ішінде, 150 жалғызбасты қарттарға, 57 мүмкіншілігі шектеулі балаға, сондай-ақ 13 мүгедек балаға жартылай күндізгі бөлімшеде қызмет көрсетіледі. Үйде оқытылатын 24 мүгедек балаға 1369,7 мың теңге материалдық көмек төленді.1-топтағы 3 мүгедекке жеке көмекшілер тағайындалды.
Аудан бойынша барлығы 3 Ұлы Отан соғысының ардагері бар, ауған соғысына қатысушылар саны- 30, Чернобыль апатына қатысушылар саны- 13 адам. Ұлы Жеңістің 75- жылдығына орай 3 Ұлы Отан соғысының ардагеріне облыстық бюджет қаржысынан 600,0 мыңнан,ҰОС ардагерлерінің жесірлеріне 100,0 мыңнан, «ҰОС жылдарындағы қажырлы еңбегі үшін» медалімен марапатталған 19 тыл еңбеккерлеріне 100,0 мыңнан, 270 тыл еңбеккерлеріне 42,5 мыңнан материалдық көмек берілді.
Мерекелік іс-шараларға және Ұлы Жеңістің 75-жылдығына байланысты аудандық бюджет қаржысынан Ауған соғысына және Чернобыль апатына қатысушыларға 185,5 мыңнан барлығы 7,9 млн. теңгеге біржолғы материалдық көмек берілді. 8 наурыз және 1 маусым балалар күні мерекесіне орай «Алтын-алқа», «Күміс алқа» иегерлеріне, 4 және одан да көп баласы бар барлық 891 аналарға облыстық бюджеттен 13,2 мың теңгеден барлығы 11,8 млн. теңгенің көмегі көрсетілді.