Көше атаулары өзгермек

Мемлекет басшысының Ұлттық құрылтайдың IV отырысында берген атауы қайталанатын немесе мүлдем атауы жоқ көшелерді ретке келтіру туралы тапсырмасына сәйкес, өңірлерде көшелерді жүйелеу жұмыстары қолға алынуда. Абай облысының Көкпекті ауданында да бірқатар елді мекендердің көшелеріне атау беру жұмыстары жүргізілуде.
Атап айтқанда, халықтың пікірін ескере отырып Көкпекті ауданына қарасты келесі ауылдардағы атауы жоқ көшелерге төмендегідей атаулар берілмек:

• Көкпекті ауылдық округі Көкпекті ауылы: атауы жоқ жаңа көшеге – Көктерек көшесі;
• Үлкенбөкен ауылдық округі Жансары ауылының: «№1 көше» – Ахмет Байтұрсынов көшесі; Ақтас ауылы: «№1 көше» – Жуалы көшесі;
• Көкжайық ауылдық округі Ақ-ой ауылы: «№1 көше» – Жармұхамбет Бекшоинов көшесі, «№2 көше» – Үйсенғазы Баймадиев көшесі;
• Көкжайық ауылдық округі Қарамойыл ауылы: «№1 көше» – Тәуелсіздік көшесі, «№2 көше» – Көктал көшесі, «№3 көше» – Ертіс көшесі, «№4 көше» – Бейбітшілік көшесі, «№5 көше» – Шаңырақ көшесі.

«Көкпекті ауданының мәдениет, тілдерді дамыту, дене шынықтыру және спорт бөлімі» ММ.