2024 жылы Көкпекті ауданының жұмыспен қамту және әлеуметтік бағдарламалар бөлімі бойынша атқарылған жұмыстар туралы ақпарат
Жұмыспен қамту және әлеуметтік бағдарламалар бөлімі бойынша 2024 жылы бірқатар жұмыстар атқарылды.
Аудан бойынша 2025 жылдың 1 қаңтар айына атаулы әлеуметтік көмек 139 отбасына, оның ішінде 703 адамға 72,7 млн.теңге тағайындалды. Соның ішінде, көпбалалы отбасылар саны- 58, аз қамтылған отбасылар саны-81.
Сондай-ақ, 1 жастан 6-жасқа дейінгі 210 балаға 8,9 млн. теңге балалар жәрдемақысы төленді.
Өз өтініштері бойынша аз қамтылған 39 отбасына 3,2 млн. теңге біржолғы материалдық көмек берілді. Сондай-ақ, жылдың басынан бері есепте тұрған аз қамтылған туберкулезбен ауыратын 9 адамға барлығы 1,3млн. теңге материалдық көмек, тұрғын үй көмегі 2 отбасына 31,0мың теңге әлеуметтік көмек төленді.
2024 жылы мүгедектер үшін 12 объекті жартылай бейімдеуден өткізілді. 11 адам мүгедектік арбамен, 11 адам тифло-сурдотехникалық құралдармен, 38 адам протездік- ортопедиялық құралдармен, 131 адам гигиеналық құралдармен қамтамасыз етілді. 1-топтағы мүгедектігі бар 16 адамға жеке көмекші қызметі тағайындалды. 59 зейнеткер «Қарағайлы» шипажайында, 31 мүгедектігі бар адамдар «Мойылды», «Сарыағаш», «Щучинск» шипажайларында және «Қарағайлы» оңалту орталығында емделіп келді. Үйде оқытылатын 13 мүгедектігі бар балаға 1638,0 мың теңгеге материалдық көмек төленді.
Еңбекке қабілетті мүгедектігі бар 1 адам ақылы қоғамдық жұмысқа жіберілді, 1 адамға грант берілді.
2024 жылы бас бостандығынан айыру орындарынан босатылған және шартты түрде сотталған 10 адамға барлығы 320,0 мың теңге материалдық көмек көрсетілді, жұмыссыз ретінде есепте тұрған 2 адам ақылы қоғамдық жұмыстарға жіберілді, 1 адам тұрақты жұмысқа орналасты.
Ауылды жерлерде жұмыс істейтін білім беру, денсаулық сақтау, әлеуметтік қорғау және мәдениет қызметкерлеріне отын -көмір сатып алу үшін барлығы 1139 адамға 50,5 млн. теңгеге біржолғы материалдық көмек берілді.
«Көкпекті ауданының арнаулы әлеуметтік қызмет көрсету орталығында» 142 жалғызбасты және мүгедектігі бар балалар мен 18-жастан асқан тұлғаларға әлеуметтік қызмет көрсетіледі. Оның ішінде, 105 жалғызбасты қарттарға, 19 мүгедектігі бар тұлғаларға, сондай-ақ 18 мүгедектігі бар балаларға күндізгі бөлімшеде қызмет көрсетіледі.
Аудан бойынша ауған соғысына қатысушылар саны- 14, Чернобыль апатына қатысушылар саны- 3 адам, Таулы Карабахта және Тәжікстанда қызмет еткендер саны- 17 адам, тыл еңбеккерлері- 45 адам.
Ұлы Жеңістің 79- жылдығына орай облыстық және жергілікті бюджет қаржысынан 45 тыл еңбеккерлеріне 70,0 мыңнан 3,1 млн. теңге, Ауған соғысына, Чернобыль апатына қатысушылар мен Таулы Карабахта қызмет еткендерге 150,0 мыңнан барлығы 5,8 млн. теңге біржолғы материалдық көмек берілді.
8- наурыз мерекесіне орай «Алтын-алқа», «Күміс алқа» иегерлеріне, I және II дәрежелі «Ана даңқы» ордендерімен наградталған, сондай-ақ кәмелетке толмаған 4 және одан да көп баласы бар көпбалалы 556 аналарға облыстық бюджеттен 15,0 мыңнан барлығы 8,4 млн. теңгенің көмегі берілді.
Бөлім арқылы барлығы 20 мемлекеттік қызмет көрсетіледі, 2025 жылдың 1 қаңтар айына 969 сапалы мемлекеттік қызмет көрсетілді.