Көкпекті ауданының сәулет, құрылыс, тұрғын үй-коммуналдық шаруашылық, жолаушылар көлігі және автомобиль жолдары бөлімі 2025 жылдың 1 тоқсанына арналған ақпараты

Көкпекті ауданының сәулет, құрылыс, тұрғын үй-коммуналдық шаруашылық, жолаушылар көлігі және автомобиль жолдары бөлімі 2025 жылдың 1 тоқсанына арналған ақпараты

Су құбыры және кәріз жүйесі

2025 жылдың 1 сәуіріне Көкпекті ауданында халық саны 13 032 адамды құрайды. Оның ішінде:

• Орталықтандырылған ауыз су жүйесімен қамтылғандар – 79% (10 291 адам)
• Орталықтандырылмаған ауыз су жүйесімен қамтылғандар – 21% (2 741 адам)

Ауданның 7 елді мекенінде (Көкпекті, Теректі, Тассай, Үлкенбөкен, Ұлғұлималшы, Преображенка, Көкжайық) орталықтандырылған су құбыры бар. Ал 7 елді мекенде (Үшкүмей, Мамай, Үкілікөз, Біғаш, Шұғылбай, Шариптоғай, Ажа) орталықтандырылмаған су құбыры жүйесі жұмыс істейді.

Ауданның 14 елді мекенінде (Жансары, Толағай, Егінбұлақ, Черноярка, Мелитополь, Қарағандықол, Ақсу, Сүлейман, Ақтас, Ұзынбұлақ, Қайнар, Нұра, Ақой, Қарамойыл) блок-модульді су құбыры станциялары орнатылған.

Қазіргі уақытта таза ауыз сумен қамту деңгейі 75% (11 451 адам), бұл аудан халқының 87,8%-ын құрайды.

Аудандағы су құбыры желілерінің жалпы ұзындығы 181,2 км, олар "КГП на ПХВ Көкпекті" коммуналдық кәсіпорнының балансында. Кәріз желілері ұзындығы 12 км, олар да осы кәсіпорынның қызмет көрсетуінде.

2024 жылы Ақой ауылында су құбыры желілерін салу жұмыстары басталды. Жобаның жалпы құны – 540 763 910,62 теңге. 2024 жылы бөлінген қаржы – 101 000 000 теңге. Қазіргі уақытта құрылыс жұмыстары жалғасуда.

Автомобиль жолдары

Көкпекті ауданындағы автомобиль жолдарының жалпы ұзындығы 488,4 км, оның ішінде:

• Республикалық маңызы бар жолдар ("Омск-Майкапшагай") – 120 км, 5 көпір, 40 су өткізу құбыры
• Облыстық маңызы бар жолдар – 40 км, 3 көпір, 16 су өткізу құбыры
• Аудандық маңызы бар жолдар – 282,4 км, 5 көпір, 46 су өткізу құбыры

Аудандық маңызы бар 282,4 км жолдың:

• 77,7 км – жақсы жағдайда
• 156,6 км – қанағаттанарлық жағдайда
• 48,1 км – қанағаттанарлықсыз жағдайда

2025 жылы мемлекеттік бағдарламалар аясында келесі жөндеу жұмыстары басталды:

1. "КФКК-104 Үлкенбөкен-Көкжайық-Ұлғұлималшы" аудандық маңызы бар жолының 43-54 км аралығын орташа жөндеу. Жобаның жалпы құны – 725 823 497,28 теңге. Қазіргі уақытта құрылыс жұмыстары жүргізілуде.
2. Көкпекті ауылындағы Тәуелсіздік, Валиханов, Авдеев, Алтынсарин, Абылайхан көшелерін орташа жөндеу. Жобаның жалпы құны – 266 238 656,32 теңге. Қазіргі уақытта құрылыс жұмыстары жүргізілуде.

Көгалдандыру және санитарлық тазалық

Ауданның елді мекендерін көгалдандыру және санитарлық тазалықты қамтамасыз ету мақсатында 2025 жылдың 4 сәуірінде аудан әкімінің №74 қаулысы қабылданды. Құжатта көгалдандыру, санитарлық тазалық және көше бойларын тазарту бойынша нақты іс-шаралар белгіленді.

Іс-шаралар барысында:

• 154,6 км көше тазаланады
• 26,8 га саябақтар мен скверлер тазаланады
• 3759 тұрғын үй ауласы тазаланады
• 94 білім беру, мәдениет және бюджет ұйымдарының аумағы тазаланады
• 13 қатты тұрмыстық қалдықтарды жинау алаңы тазаланады

Барлығы 2000-ға жуық адам қатысады деп жоспарлануда.

 

Дата публикации

29 мая 2025