Көкпекті ауданы бойынша мәдениет және спорт саласы туралы 2025 жылдың 1-тоқсанына ақпарат

Көкпекті ауданы бойынша мәдениет және спорт саласы туралы 2025 жылдың 1-тоқсанына ақпарат

Тіл саясаты және патриоттық тәрбие

2025 жылғы 18 қаңтарда Көкпекті ауданының мемлекеттік және басқа тілдерді оқыту орталығы мен «Атамекен» кәсіпкерлер палатасының аудандық филиалы бірлесіп «Тіл тазалығын сақтайық!» атты акцияны ұйымдастырды. Акция барысында аудан орталығындағы сауда орындарының сыртқы көрнекі ақпараттары тексеріліп, кәсіпкерлерге тіл заңнамасының талаптары бойынша түсіндірме жұмыстары жүргізілді.

2025 жылғы 30 қаңтарда ауданның 95 жылдығына арналған жоспар аясында Көкпекті аудандық тарихи-өлкетану музейінде аудан жастарының қатысуымен кездесу өтті. Жиын барысында тақырыптық көрмемен танысып, ауданның 80 жылдығына арналған деректі фильм көрсетілді.

Спорттық іс-шаралар

2025 жылғы 14 ақпанда Кеңес әскерлерінің Ауғанстан жерінен шығарылғанына 36 жыл толуына арналған аудандық волейбол турнирі өтті.

• І орын – Көкпекті ауылының командасы,
• ІІ орын – Мамай ауылының командасы,
• ІІІ орын – Көкжайық ауылының командасы.
  Жеңімпаздар медальдармен, мақтау қағаздарымен және бағалы сыйлықтармен марапатталды.

2025 жылғы 21 ақпанда Абай Құнанбайұлының 180 жылдығына арналған шаңғыдан аудан біріншілігі ұйымдастырылды.

22 ақпанда Қ.Алтынбаев атындағы мәдениет үйінде дәстүрлі «Есіңде ме сол бір кез...» атты ретро концерт өтті.

Кітапхана және өлкетану шаралары

Көкпекті аудандық кітапханасында мәдениет, тілдерді дамыту, дене шынықтыру және спорт бөлімі өлкетанушылар мен тарихшылардың қатысуымен дөңгелек үстел өткізді.

• Өлкетанушы Қ.Қ. Малгаждаров киелі жерлер мен тарихи тұлғалар туралы баяндама жасап, карта арқылы таныстырды.
• Шығармашылық сарайындағы өлкетану клубының жетекшісі К.Көпесова жасөспірімдерге арналған бағдарламалар жайлы ақпарат берді.

21 ақпанда Халықаралық ана тілі күніне орай Ж.Шайжүнісов атындағы мектеп кітапханасымен бірлесе «Тілім менің» атты мақал-мәтел сайысы өтті. Мақсаты – оқушылардың тіл байлығын арттырып, қазақтың мақал-мәтелдерімен таныстыру.

8 наурыз – Әйелдер мерекесі қарсаңындағы іс-шаралар

Мемлекеттік және басқа тілдерді оқыту орталығы ұйымдастырған «Ана – өмірдің гүлі» атты көңілді викторинаға «Көк сырға» және «Қызыл сырға» командалары қатысып, қатысушылар сыйлықтар және мадақтамалармен марапатталды.

Сондай-ақ:

• қыздар арасында «Толағай сұлуы – 2025» байқауы,
• мекемелер арасында «Көңілді старт» ойындары өтті.
  Жеңімпаздар:
• І орын – Ж.Шайжүнісов атындағы орта мектеп,
• ІІ орын – Әлеуметтік қызмет көрсету орталығы,
• ІІІ орын – ДЮСШ командасы.

Мәдени іс-шаралар

2025 жылғы 14 наурызда Абай облысының мәдени күндері аясында Көкпекті аудандық көркемөнерпаздар ұжымы Бородулиха ауданына барып, концерттік бағдарлама ұсынды.

22 наурыз – Ұлыстың ұлы күні қарсаңында Көкпекті ауылында:

• Тай жарысы:
• І орын – Еркебұлан, «Қарақыз» (Көкпекті),
• ІІ орын – Сайран, «Айтуар» (Самар),
• ІІІ орын – Ерзат, «Бозторы» (Көкпекті);
• Құнан бәйге:
• І орын – Тоқан, «Қаршыға» (Самар),
• ІІ орын – Жалын, «Баққасқа» (Көкпекті),
• ІІІ орын – Ералы, «Әсем торы» (Көкпекті) иеленді.

Мемлекеттік мекемелер арасында «Нұрын жауған – әз Наурыз» киіз үйлер байқауы және ұлттық спорт түрлерінен жарыстар өткізілді. Қатысушылар бағалы сыйлықтармен және мақтау қағаздарымен марапатталды.

Мерейтойлық кештер

Қ.Алтынбаев атындағы мәдениет үйінде:

• 1 сәуір – Нұрғиса Тілендиевтің 100 жылдығына арналған,
• 18 сәуір – Шәмші Қалдаяқовтың 95 және Жұмекен Нәжімеденовтың 90 жылдығына арналған кештер өтті.

Музей шаралары

Амангелді атындағы орта мектеп оқушылары аудандық тарихи-өлкетану музейіне экскурсия жасады. Олар:

• Жеңістің 80 жылдығына арналған көрмемен,
• Чернобыль АЭС апатына қатысты ақпаратпен,
• көкпектілік ардагерлер мен апатты жоюшыларға арналған стендтермен танысты.

1 мамыр – Қазақстан халықтарының бірлігі күніне арналған шарада І.Жансүгіров мектебінің оқушылары музейге экскурсия жасап, ұлттық киім киіп, тақырыптық әдеби монтаж оқыды.

Спорт және патриоттық жарыстар

3 мамырда Ұлы Отан соғысының 80 жылдығы мен волейбол ардагері Сағидолла Ағзамовты еске алуға арналған волейболдан облыстық турнир өтті. Бұл турнир ауданымызда 37-ші рет өткізілді.
Нәтижесі:

• І орын – Көкпекті ауданы (600 000 теңге),
• ІІ орын – Ақсуат ауданы (400 000 теңге),
• ІІІ орын – Үржар ауданы (300 000 теңге).

17 сәуір күні дене шынықтыру пәні мұғалімдері арасында асық ату спорттық жарысы өтті:

• І орын – А.С. Пушкин мектебі (Қайсын Бексұлтан, Қалиев Ернұр),
• ІІ орын – Жансүгіров мектебі,
• ІІІ орын – Көкпекті орта мектебі.

Шешендік өнер байқауы

Ақтамберді жыраудың 350 және Абай Құнанбайұлының 180 жылдығына орай «Сөз Дода» облыстық байқауының аудандық кезеңі өтті.
Қатысушылар:

• І орын – Төлеуғазыұлы Нұрсұлтан (жет. Сагнаева А.Н.),
• ІІ орын – Қалиев Ерасыл (жет. Калиева А.Г.),
• ІІІ орын – Қайратов Жандос (жет. Қабден А.Т.).
  Барлық қатысушылар мен жетекшілер алғыс хаттармен марапатталды. Жеңімпаз облыстық кезеңге жолдама алды.

Мәдениет қызметкерлері күні

21 мамыр күні Семей қаласында мәдениет және өнер қызметкерлерінің күніне арналған салтанатты шара өтті.

• Алғаш рет «Руханият – 2025» облыс әкімінің сыйлығы берілді (18 номинация).
• «Жылдың үздік кеш жүргізушісі» – Қ.Алтынбаев атындағы мәдениет үйінің көркемдік жетекшісі Нұрлан Қайратұлы,
• Абай облысы әкімінің Алғыс хаты – хореограф Оспанова Нарқыз Елеубекқызына берілді.

Ұлттық спорт түрлері

2025 жылғы 24 мамырда аудан әкімінің жүлдесіне арналған Спартакиада аясында бәйге, аударыспақ, теңге ілу, көкпар жарыстары өтті.
І орын алған жеңімпаздар Семей қаласында өтетін облыстық Спартакиадаға жолдама алды.

 

Дата публикации

29 мая 2025