2025 жылдың бірінші тоқсаны бойынша Көкпекті ауданының мемлекеттік қызметтер көрсету мәселелері жөніндегі қызметі туралы есеп

Көкпекті ауданында мемлекеттік қызметтер 6 дербес бөлім және 9 ауылдық округ әкімдерінің аппараттары арқылы көрсетіледі.
2025 жылдың бірінші тоқсанында жалпы 405 мемлекеттік қызмет көрсетілді, оның ішінде 315 қызмет электрондық форматта ұсынылды, бұл жалпы көлемнің 77,7%-ын құрайды.

Көрсетілген мемлекеттік қызметтердің жалпы көлемінен:
– 11 қызмет немесе 2,7% қызмет көрсетушінің кеңсесі арқылы қағаз түрінде ұсынылды;
– 79 қызмет немесе 19,5% «Азаматтарға арналған үкімет» мемлекеттік корпорациясы арқылы көрсетілді;
– 315 қызмет немесе 77,7% электрондық форматта ұсынылды, оның ішінде:

«Электрондық үкімет» веб-порталы арқылы – 125 қызмет немесе 39,6%;
«Е-лицензиялау» мемлекеттік деректер базасы арқылы – 84 қызмет немесе 26,6%;
қызмет алушымен тікелей байланыссыз қызмет көрсетушінің ақпараттық жүйелері арқылы – 60 қызмет немесе 19,04%;
қызмет алушымен тікелей байланыс орнатып, өтінімді ақпараттық жүйеге қолмен енгізу арқылы – 46 қызмет немесе 14,6%.

Қызметтерді көрсету бойынша жүргізілген талдау нәтижесі бойынша, 2025 жылдың бірінші тоқсанында Көкпекті ауданында ең көп сұранысқа ие болған қызмет – «Мемлекеттік атаулы әлеуметтік көмек тағайындау» (72 қызмет).

2025 жылдың бірінші тоқсанында Көкпекті ауданы бойынша 2 бақылау іс-шарасы жүргізілді (оның ішінде 2 жергілікті атқарушы органға қатысты).

Бақылау іс-шараларының нәтижесінде 5 заңбұзушылық анықталды, оның ішінде:

Мемлекеттік қызметтер көрсету мерзімдерін бұзу фактісі – 1 (Абай облысы Көкпекті ауданы Тассай ауылдық округі әкімінің аппаратында анықталды);
Мемлекеттік қызмет көрсету рәсімдерін (бизнес-процестерін) бұзу фактілері – 2 (Абай облысы Көкпекті ауданы Тассай ауылдық округі әкімінің аппаратында анықталды);
Есептік деректердегі сәйкессіздіктер – 2 (Абай облысы Көкпекті ауданы Көкжайық ауылдық округі әкімінің аппаратында анықталды).

Бақылау іс-шараларының нәтижесі бойынша 2 тәртіптік жаза қолданылды.
Тәртіптік жауапкершілікке тартылған адамдар саны – 2 (оның ішінде жергілікті атқарушы орган қызметкерлері – 2).

Бақылау іс-шараларының қорытындысы бойынша 4 ұсыным әзірленіп, олардың барлығы орындалды.

2025 жылдың бірінші тоқсанында Көкпекті ауданы бойынша 8 түсіндіру шарасы өткізілді, халықты қамту саны – 12 143 адам.
Атап айтқанда:

Әлеуметтік желі парақшаларында 3 тікелей эфир өткізілді;
Әлеуметтік желі парақшаларында 4 жазба жарияланды;
Бұқаралық ақпарат құралдарында 1 мақала жарияланды.

Дата публикации

04 апреля 2025