Жастардың сайлау белсенділігін арттыру, құқықтық сананы ,құқықтық мәдениетті және азаматтық жауапкершілікті дамыту мақсатында, сондай-ақ Қазақстан Республикасының Конституциясына, "Қазақстан Республикасындағы сайлау туралы" Қазақстан Республикасының Конституциялық заңына сәйкес және Абай облысының аумақтық сайлау комиссиясының 25.08.2025 жылғы № 11 Қаулысы негізінде Абай облысының Көкпекті ауданының аумақтық сайлау комиссиясы ҚАУЛЫ ЕТЕДІ:
1.Абай облысы Көкпекті ауданының аумақтық сайлау комиссиясының жанынан Абай облысы Көкпекті ауданының жас сайлаушылар клубы құрылсын
3.Клуб қызметін үйлестіру сайлаушылардың құқықтық мәдениетін арттыру, сайлау ұйымдастырушыларын және сайлау процесіне басқа да қатысушыларды оқыту саласындағы жұмыстарды ұйымдастыру, үйлестіру және қамтамасыз ету мәселелеріне жауапты Абай облысы Көкпекті ауданының аумақтық сайлау комиссиясының мүшесіне жүктелсін.
5.Осы қаулының орындалуын бақылау Абай облысы Көкпекті ауданының аумақтық сайлау комиссиясының хатшысы Б.Адыльхановқа жүктелсін
Көкпекті ауданының жас сайлаушылар клубы туралы
ЕРЕЖЕСІ
1.1. Көкпекті ауданының жас сайлаушылар клубы (бұдан әрі-Клуб) жастардың белсенді азаматтық ұстанымын қалыптастыруға жәрдемдесу, құқықтық мәдениет пен сайлау сауаттылығын арттыру мақсатында Көкпекті ауданының аумақтық сайлау комиссиясының базасында құрылады.
1.2. Клуб өз қызметін Қазақстан Республикасының Конституциясына, Қазақстан Республикасының заңдарына, Қазақстан Республикасының Президенті мен Үкіметінің актілеріне, өзге де нормативтік құқықтық актілерге, сондай-ақ осы Ережеге сәйкес жүзеге асырады.
1.3. Клуб заңды тұлға болып табылмайды және мемлекеттік тіркеуге жатпайды.
1.4. Клуб өз қызметін жүзеге асыру кезінде Көкпекті ауданының аумақтық сайлау комиссиясымен, сондай-ақ мемлекеттік органдармен, оқу орындарымен, қоғамдық бірлестіктер мен және өзге де ұйымдармен өзара іс-қимыл жасайды.
2.1. Клубтың мақсаты - Көкпекті ауданы жастарының сайлау белсенділігін арттыру, олардың құқықтық санасын және сайлау процестеріне қатысқаны үшін жауапкершілігін дамыту.
2.2. Клубтың міндеттері:
Жастар арасында сайлау құқығы және үдеріс мәселелері бойынша ақпараттық-түсіндіру және ағарту жұмыстарын ұйымдастыру;
Жас азаматтар арасында сайлауға қатысу мәдениетін дамыту;
Жастарды қоғамдық маңызы бар бастамаларды талқылауға тарту;
Жастардың азаматтық бастамаларын дамытуға жәрдемдесу;
Жастар арасында сайлау құқықтарын түсіндірудің заманауи тәсілдерін әзірлеу;
Сайлау жүйесі мәселелері бойынша әлеуметтік және медиа жобаларды әзірлеуге және іске асыруға қатысу.
3.1. Клуб тұрақты негізде жұмыс істейді және өз отырыстарын тоқсанына кемінде бір рет өткізеді. Отырыстар күндізгі және (немесе) қашықтықтан өткізілуі мүмкін.
3.2. Клуб шешімдері ұсынымдық сипатта болады және отырыстардың хаттамалары түрінде рәсімделеді.
3.3. Көкпекті ауданының аумақтық сайлау комиссиясының базасында құрылған жас сайлаушылар клубы осы ережеге сәйкес және бірыңғай тұжырымдама шеңберінде жастар арасында ақпараттық-ағарту қызметін жүзеге асырады.
4.1. Клуб құрамына мыналар кіруі мүмкін:
Жастар ұйымдары мен бірлестіктерінің өкілдері;
студенттер мен жоғары сынып оқушылары;
белсенділер, еріктілер, жас оқытушылар;
үкіметтік емес ұйымдардың, БАҚ және өзге де мүдделі ұйымдардың өкілдері.
4.2. Клуб қызметіне қатысу ерікті болып табылады және қоғамдық негізде жүзеге асырылады.
4.3. Клубтың құрамы қоғамдық бірлестіктердің, оқу орындарының, мемлекеттік органдардың ұсыныстары негізінде қалыптастырылады және оны аудандық аумақтық сайлау комиссиясы бекітеді.
5.1. Осы Ережеге өзгерістер мен толықтырулар клуб отырыстарында қаралады және белгіленген тәртіппен бекітіледі.
5.2. Клуб қызметін тоқтату Көкпекті ауданының аумақтық сайлау комиссиясының шешімі бойынша жүзеге асырылады.