2026 жылы төтенше жағдайлардың алдын алу және оларды жою саласындағы жұмыстар қысқы кезеңде, көктемгі су тасқыны, өрт қауіпті кезеңі және шомылу маусымы кезінде халықтың қауіпсіздігін қамтамасыз етуге бағытталды.
Көктемгі су тасқынына дайындық аясында 28,7 мың текше метр қар шығарылды, су өткізгіш құбырлар мен арықтар 100 пайыз тазартылды, 670 тонна инертті материал дайындалды. Су тасқынына қарсы іс-шараларды жүзеге асыруға облыстық және аудандық бюджеттерден 67,2 млн теңге бөлінді. Инженерлік қорғау жоспарына енгізілген 17 іс-шараның 14-і орындалды, қалған іс-шараларды ағымдағы жылы орындау жоспарланған.
Өрт қауіпті кезеңге арналған профилактикалық іс-шаралар жоспары бекітіліп, ерікті өртке қарсы құралымдар жасақталды, арнайы техника мен өртке қарсы жабдықтардың дайындығы қамтамасыз етілді. Есепті кезеңде 6 дала өрті және елді мекендер аумағында 20 өрт пен жану фактісі тіркелді. Өрт сөндіру бекеттерінің желісін дамыту жұмыстары жалғасуда.
Шомылу маусымында профилактикалық рейдтер ұйымдастырылып, тұрғындар мен мектеп оқушылары арасында ақпараттық-түсіндіру жұмыстары жүргізілді, ескерту белгілері орнатылды. Көкпекті ауылындағы коммуналдық жағажайда арнайы дайындықтан өткен құтқарушылардың кезекшілігі ұйымдастырылды. Барлығы 15 рейд өткізіліп, 561 жадынама таратылды, бұқаралық ақпарат құралдары мен әлеуметтік желілерде 7 ақпараттық материал жарияланды.
Жалпы, 2026 жылы Көкпекті ауданында төтенше жағдайлардың алдын алу бойынша барлық іс-шаралар жоспарлы түрде жүргізіліп, төтенше жағдайлардың туындау тәуекелдерін төмендетуге және халықтың қауіпсіздігін қамтамасыз етуге бағытталды.