«Абай облысының кәсіпкерлік және индустриялық-инновациялық даму басқармасы» мемлекеттік мекемесінің инвестицияларды тарту бөлімінің ЕРЕЖЕСІ

Абай облысының кәсіпкерлік және индустриялық-инновациялық даму басқармасы басшысының

2024 жылғы  «___»_____________

  № ___ бұйрығына

  2-қосымша

 

 

«Абай облысының кәсіпкерлік және индустриялық-инновациялық даму басқармасы» мемлекеттік мекемесінің инвестицияларды тарту бөлімінің

ЕРЕЖЕСІ

 

1. Жалпы ережелер

 

1. Инвестицияларды тарту бөлімі (бұдан әрі – бөлім) «Абай облысының кәсіпкерлік және индустриялық-инновациялық даму басқармасы» мемлекеттік мекемесінің (бұдан әрі – басқарма) құрылымдық бөлімшесі болып табылады.
2. Бөлім өз қызметінде Қазақстан Республикасының Конституциясын, заңдарын, Қазақстан Республикасы Президенті мен Үкіметінің актілерін, өзге де нормативтік құқықтық актілерді, сондай-ақ осы Ережені басшылыққа алады.
3. Бөлімнің құрылымын және штат санын Қазақстан Республикасының заңнамасында белгіленген тәртіппен штат санының лимиті шегінде
   Абай облысы әкімдігінің қаулысымен бекітіледі.
4. Бөлім: бөлім басшысы мен 3 бас маманнан тұрады (бөлімнің құрамына кіретін бөлімшелер жоқ).

 

2. Бөлімнің мақсаттары, құқықтары мен міндеттері

 

5. Мақсаттары:

1) Жеке инвестициялар тарту саласындағы мемлекеттік саясатты іске асыруға қатысу;

2) Қалалық және аудандық атқарушы органдармен, облыстық статистика департаментімен және инвестициялық қызмет көрсеткіштері мәселелері бойынша өзара іс-қимыл жасау.

6. Құқықтары мен міндеттері:

1) Облыстың жеке инвестициялық жобаларын іске асыру туралы мемлекеттік органдар мен кәсіпорындардан ақпарат сұратуға және алуға;

2) Басқарма басшылығының қарауына инвестициялық ахуалды құру дамыту жөнінде ұсыныстар енгізуге;

3) Басқарманың құзыретіне кіретін мәселелер бойынша белгіленген тәртіппен кеңестер шақыруға;

4) Бөлім құзыретіне кіретін мәселелер бойынша облыс әкімі мен әкімдігінің нормативтік құқықтық актілерін әзірлеу;

5) Инвестициялық жобаларды іске асыруда мемлекеттік қолдау көрсету жөнінде қабылданған шаралар туралы басшылықты хабардар етуге міндетті;

6) Қазақстан Республикасының заңнамасына сәйкес өзге де құқықтарды жүзеге асыруға құқылы.

7. Функциялары:

1) Инвестициялық жобаларға консультациялық қызметтер көрсету және мониторинг жүргізу;

2) Бөлім қызметінің мәселелері бойынша материалдарды, есептерді, баяндамалардың талдамалық жазбаларын, мақалаларды дайындау;

3) Бөлім қызметінің бағыты бойынша даму бағдарламаларының салалық бөлімін әзірлеуге қатысу;

4) Бөлім жетекшілік ететін мәселелер бойынша облыстың әлеуметтік-экономикалық даму болжамын әзірлеуге қатысу, оны іске асыру барысы туралы ақпарат дайындау;

5) Өңірдегі инвестициялық әлеуетті дамыту және инвестициялар бойынша статистикалық деректердің күтілетін көрсеткіштерін қалыптастыру мәселелері бойынша қалалар мен аудандар әкімдіктерімен өзара іс-қимыл жасау (негізгі капиталға жеке инвестициялар көлемі);

6) Шетелдік инвестицияларды тарту мақсатында халықаралық экономикалық форумдар мен көрмелерге қатысу (тікелей шетелдік инвестициялар);

7) Орталық мемлекеттік органдарға жетекшілік ететін сала бойынша ақпарат беру;

8) Инвестициялық тақырып бойынша өткізілетін инвестициялық форум, конференциялар мен семинарларға қатысу;

9) Өңірдің қолайлы инвестициялық имиджін ілгерілету үшін Қазақстан Республикасының елшіліктері мен шет елдердегі мекемелеріне өңірдің инвестициялық мүмкіндіктері туралы ақпарат беру;

10) Инвесторлармен келіссөздердің қорытындылары бойынша қол жеткізілген ресми уағдаластықтардың іске асырылуына мониторинг жүргізу;

11) Инвесторларды тарту жөніндегі өңірлік үйлестіру кеңесінің қызметін ұйымдастыру;

12) Бөлімнің құзыретіне жататын мәселелер бойынша облыс әкімдігі қаулыларының, облыс әкімінің шешімдері мен өкімдерінің жобаларын дайындауға қатысу;

13) Бөлімнің құзыретіне жататын жеке және заңды тұлғалардың өтініштеріне жауаптардың уақытылы және сапалы беру;

14) «Ашық деректер» порталында ақпаратты уақтылы толтыру;

15) Бөлімнің құзыретіне жататын «Iprotocol» порталында тапсырмалардың уақтылы және сапалы орындау;  

16) Басқарма қызметінің жұмысын жариялау бойынша бұқаралық ақпарат құралдарымен өзара іс-қимыл жасау, сондай-ақ басқарманың әлеуметтік желілеріндегі ресми беттерде жариялау; басқарманың әлеуметтік желілеріндегі беттерде бұқаралық ақпарат құралдары мен жазылушылардың сұраулары мен пікірлеріне жауаптар орналастыру. «Ашық диалог» халық пен мемлекет арасындағы диалогын жүргізу үшін ашық алаңда жұмысты ұйымдастыру;

17) Өз құзыреті шегінде өзге де өкілеттіктерді жүзеге асырады.

3. Бөлімнің қызметін ұйымдастыру

 

8. Бөлімнің Қазақстан Республикасының заңнамалық актілеріне, Президентінің актілеріне және Қазақстан Республикасының өзге де нормативтік құқықтық актілеріне сәйкес өз міндеттерін іске асыру үшін қажетті құқықтары мен міндеттері болады.
9. Бөлім басшысы уақытша болмаған кезеңде оның міндеттерін басқарма басшысы тағайындайтын бөлім қызметкері орындайды.
10. Бөлімді Қазақстан Республикасының заңнамасында белгіленген тәртіппен лауазымға тағайындалатын және лауазымнан босатылатын бөлім басшы басқарады.
11. Бөлім басшысы оның қызметіне жалпы басқаруды жүзеге асырады, оған жүктелген міндеттердің орындалуына және өз өкілеттіктерін жүзеге асыруына дербес жауапты болады.
12. Бөлімнің басшысы Басқарманың басшылығына құрылымдық бөлімшенің құрылымы мен штат саны жөнінде ұсыныстар береді.
13. Бөлімнің құзыретіне кіретін мәселелер бойынша бөлім атынан басқарманың құрылымдық бөлімшелеріне жіберілетін құжаттарға бөлім басшысы бұрыштама қояды; басқа мемлекеттік органдарға не олардың құрылымдық бөлімшелеріне бөлім басшысы, ал болмаған жағдайда оны алмастыратын адам бұрыштама қояды және оған жетекшілік ететін орынбасар не басқарма басшысы қол қояды.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

«Келісілді»

Инвестицияларды тарту

бөлімінің басшысы

________________________________

(аты-жөні толық)

«__»_________________2024 жыл

Дата публикации

14 марта 2023